O PPdeG apela á "sensibilidade" da dirección estatal do PP coa transferencia da AP-9 porque "non é unha demanda soberanista" e os populares galegos "non somos como o BNG", declarou o secretario xeral do partido, Miguel Tellado, nunha entrevista á axencia Europa Press recollida na súa web
#5MSonFeminista A manifestación do movemento feminista clama "contra as violencias machistas e polo empoderamento" nas rúas de Santiago. A información da mobilización que abre a semana do 8 de Marzo en Galicia, esta tarde en Praza.
VÍDEO | Profesionais da música galega de todos os estilos animan á inscrición nos IV Premios Martín Códax da Música, cuxo prazo de presentación de candidaturas remata este domingo. No vídeo, Nastasia Zürcher, galardoada en 2016 na categoría de blues, funk e soul.
VÍDEO | A galega Ana Peleteiro remata quinta na final europea de triplo salto en pista cuberta. Peleteiro era a atleta máis moza da final nun campionato no que logrou a mellor marca da súa carreira. (vídeo de RTVE)
O Sergas decide non renovar o contrato coa empresa de mantemento da súa maquinaria tras constatar "graves deficiencias". Cóntao Faro de Vigo. Ese atención deficiente vén sendo denunciado dende hai anos por sindicatos como CIG-Saúde, que reclama que o servizo volva ser de xestión pública.
Javier Gómez Noya regresa ás Series Mundiais de tríatlon cun gran triunfo en Abu Dhabi. O galego volve así á senda da vitoria tras a lesión que o deixou fóra dos Xogos Olímpicos.
O persoal de Pescanova convoca folga para os vindeiros días 14 e 21 polo bloqueo na negociación do convenio colectivo. A asemblea, convocada por CIG, CUT, UGT e USO e na que participaron unhas 300 persoas, resolveu ademais que o paro sexa indefinido a partir do 3 de abril "se non hai avances" no proceso negociador. (Imaxe: CIG)
A Academia Galega do Audiovisual ultima a entrega dos XV Premios Mestre Mateo, esta noite na Coruña. 'María y los Demás' e 'Dalia, a Modista' encabezan as candidaturas aos galardóns, cuxa entrega será retransmitida pola TVG.
VÍDEO | Alumnado do IES Pintor Colmeiro de Silleda lanza un vídeo musical "para colaborar na loita" pola defensa da Fraga de Catasós en Lalín, pola que Fenosa pretendía facer pasar unha liña de alta tensión, poñendo en risco as árbores autóctonas da zona. A eléctrica perdeu o preito xudicial, pero recorreu a sentenza.
As vítimas de Angrois piden ser recibidas pola comisaria europea de Transportes, Violeta Bulc, que visita Madrid a vindeira semana. A Plataforma Víctimas Alvia 04155 está a recoller sinaturas a prol desta petición despois de que a Eurocámara constatase a necesidade dunha investigación independente sobre o accidente, no que morreron 80 persoas.
