Unidos Podemos reduce a súa distancia co PP e segue ampliando a súa marxe en relación co PSOE, segundo a nova entrega da sondaxe de Celeste-Tel que publica eldiario.es. UP e socialistas acadarían ao redor de 170 escanos, preto da maioría absoluta.
Fálase
-
O Tribunal Supremo confirma a nulidade da autorización administrativa previa de Reganosa, desestimando un recurso presentado pola empresa, que alegaba un erro formal na sentenza ditada hai dous meses. O novo ditame recoñece o erro, pero subliña que non afecta á decisión adoptada.
O TSXG desestima o incidente de inexecución do Concello da Coruña sobre o Conde de Fenosa e ratifica a resolución do Supremo que ordenaba devolver o edificio ao seu estado orixinal. Máis información, hoxe en Praza.
Mario Conde poderá saír en liberdade baixo fianza de 300.000 euros, segundo adianta a Cadena SER. Conde foi detido o pasado abril pola presunta repatriación dende Suíza de cartos roubados en Banesto.
Homenaxean en Santiago ao 'vello dos contos', Xosé Mosquera, o intelectual galeguista e académico que nos anos da II República contaba historias en Radio Galicia e, ao tempo, realizaba intervención a prol do Estatuto.
AXENDA DE CAMPAÑA - 14 DE XUÑO
- PP: Feijóo fai campaña na Coruña e Vilagarcía e dá un mitin con Baltar no Carballiño ás 20:30.
- En Marea: Alexandra Fernández presenta propostas para a AP-9 en Chapela e Fernán Vello dá un mitin con Beiras en Lugo ás 20:00.
- PSdeG: Antonio Hernando protagoniza varios actos en Santiago e Ourense, Leiceaga reúnese con UGT e dá un mitin en Foz.
- BNG: Pontón presenta propostas de salvamento marítimo na Coruña e ofrece un mitin en Lugo ás 20:30.
- Ciudadanos: O partido instala ás 11:00 unha mesa informativa en Santa Minia (Brión) e outra, na Coruña.
O Foro Económico de Galicia prevé que a economía galega siga a medrar menos que a media estatal. Recólleo Faro de Vigo
Eldiario.es resume o máis destacado do debate entre Rajoy, Sánchez, Iglesias e Rivera emitido a pasada noite en televisión, no que os catro líderes reafirmaron as súas estratexias de campaña.
O BNG denuncia a "amnesia selectiva" dos partidos estatais con Galicia cun debate-parodia. O acto, EjpañaaCuatro, celebrado en Lugo criticou os candidatos “do plasma” que "só se lembran de Galiza en campaña electoral".
En Marea presenta o seu programa económico, con medidas como unha renda mínima garantida para persoas sen ingresos e a suba do salario mínimo ata os 900 euros mensuais. O documento foi presentado polos economistas Manuel Lago e Gonzalo Rodríguez xunto á candidata Yolanda Díaz, número dous pola Coruña, e o candidato ao senado García Buitrón.
