Mario Conde poderá saír en liberdade baixo fianza de 300.000 euros, segundo adianta a Cadena SER. Conde foi detido o pasado abril pola presunta repatriación dende Suíza de cartos roubados en Banesto.
Fálase
-
Homenaxean en Santiago ao 'vello dos contos', Xosé Mosquera, o intelectual galeguista e académico que nos anos da II República contaba historias en Radio Galicia e, ao tempo, realizaba intervención a prol do Estatuto.
AXENDA DE CAMPAÑA - 14 DE XUÑO
- PP: Feijóo fai campaña na Coruña e Vilagarcía e dá un mitin con Baltar no Carballiño ás 20:30.
- En Marea: Alexandra Fernández presenta propostas para a AP-9 en Chapela e Fernán Vello dá un mitin con Beiras en Lugo ás 20:00.
- PSdeG: Antonio Hernando protagoniza varios actos en Santiago e Ourense, Leiceaga reúnese con UGT e dá un mitin en Foz.
- BNG: Pontón presenta propostas de salvamento marítimo na Coruña e ofrece un mitin en Lugo ás 20:30.
- Ciudadanos: O partido instala ás 11:00 unha mesa informativa en Santa Minia (Brión) e outra, na Coruña.
O Foro Económico de Galicia prevé que a economía galega siga a medrar menos que a media estatal. Recólleo Faro de Vigo
Eldiario.es resume o máis destacado do debate entre Rajoy, Sánchez, Iglesias e Rivera emitido a pasada noite en televisión, no que os catro líderes reafirmaron as súas estratexias de campaña.
O BNG denuncia a "amnesia selectiva" dos partidos estatais con Galicia cun debate-parodia. O acto, EjpañaaCuatro, celebrado en Lugo criticou os candidatos “do plasma” que "só se lembran de Galiza en campaña electoral".
En Marea presenta o seu programa económico, con medidas como unha renda mínima garantida para persoas sen ingresos e a suba do salario mínimo ata os 900 euros mensuais. O documento foi presentado polos economistas Manuel Lago e Gonzalo Rodríguez xunto á candidata Yolanda Díaz, número dous pola Coruña, e o candidato ao senado García Buitrón.
O xulgado número 3 de Lugo decreta a apertura de xuízo do caso Campeón con trece persoas acusadas pola Fiscalía e nove delas, pola Xunta. Facenda exerce a acusación contra o presunto líder da trama, o empresario Jorge Dorribo.
A suma de Unidos Podemos e PSOE estaría, por esta orde, ao bordo da maioría absoluta. Así o indica unha enquisa que publica este luns El Periódico de Catalunya
AXENDA DE CAMPAÑA - 13 DE XUÑO
- PP: Feijóo fai campaña hoxe en Madrid, Ávila e Zamora con Cristina Cifuentes, Pablo Casado e Fernando Martínez Maíllo.
- En Marea: A coalición celebra un acto sobre economía pola mañá en Santiago e ás 20:00 ofrece un mitin en Sada.
- PSdeG: Leiceaga participa nun acto sobre os gobernos locais socialistas con Patxi López, en Lugo, e fai campaña no Barco de Valdeorras.
- BNG: A mediodía o BNG organiza unha "parodia" do debate a 4 na Praza Maior de Lugo e no serán Ana Pontón participa nun mitin en Carballo.
- Ciudadanos: O partido instalará durante a xornada mesas informativas en Santiago, Vigo e Pontevedra