Este mércores entrou en vigor a lei de rehabilitación de Galicia, que facilita as expropiacións unha década despois de que o PP axitara o medo en campaña electoral dicindo que “PSOE e BNG queren quedar coas túas terras”.
Fálase
-
A ex-deputada do PP de Madrid ferida en Angrois pide o voto para Ana Miranda nas eleccións europeas. “Non son do BNG nin tampouco son galega, aínda que amo esta terra”, di nun vídeo Teresa Gómez-Limón, moi crítica coa actuación do seu antigo partido e do PSOE. E engade que “grazas a Ana Miranda, eurodeputada, as vítimas puidémonos sentir acompañadas”, en referencia ao traballo da nacionalista en Bruxelas como representante de feito dos afectados ante as institucións da UE, que ten aberto un procedemento de infracción contra España por seguridade ferroviaria e que foi clave na investigación xudicial na que está imputado un cargo de Adif ademais do maquinista.
Theresa May ofrece ao Parlamento británico votar a posibilidade dun segundo referendo sobre o Brexit. Vén de anuncialo no marco dun discurso sobre os seus plans para tentar desbloquear as negociacións sobre o plan para abandonar a UE.
A socialista Meritxell Batet, nova presidenta do Congreso en segunda votación por 175 votos a prol. Antes xa fora elixido o tamén membro do PSOE Manuel Cruz como novo presidente do Senado, no seu caso pola maioría absoluta coa que contan os socialistas nesa Cámara. Na imaxe, divulgada polo Congreso, Batet con Ana Pastor, á que sucede no cargo.
AO VIVO | En marcha a sesión constitutiva da XIII Lexislatura Estatal. O pleno do Congreso, en directo nesta ligazón
Hoxe comeza a folga de dous días do persoal de Atención Primaria na área de Vigo coa vista posta na folga médica do vindeiro xuño, nese caso en toda Galicia.
26M | O PSOE gañaría as eleccións europeas cunha ampla vantaxe sobre o PP, segundo unha enquisa de Celeste-Tel para eldiario.es que outorga 3 escanos á coalición na que participa o BNG e cadanseu escanos ás coalicións nas que se integran CxG e En Marea.
Oliver Laxe estrea este martes no Festival de Cannes O que arde, a súa última película, arredor dos incendios forestais.
A guerra comercial dos Estados Unidos coa China provoca que Google deixe de fornecer actualizacións do seu sistema operativo Android a móbiles da chinesa Huawei. GCiencia explica neste artigo as consecuencias deste conflito.
Os dirixentes independentistas cataláns en prisión preventiva que foron elixidos nas xerais do 28A por ERC e JxCat veñen de recoller as súas actas parlamentarias no Congreso baixo custodia policial. Na imaxe, cumprimentan os trámites para tomar posesión do escano (imaxe divulgada polo grupo de EH Bildu).
