Finaliza a campaña electoral en México, cun masivo mitin (200 mil persoas ) de López Obrador na capital federal. Este domingo celébranse as eleccións, e aínda que o PRD foi recuperando posicións nos últimos meses, o candidato do PRI, Enrique Peña Nieto, é o favorito.
O blog masquemedicos explica cales son os medicamentos excluidos da Seguridade Social, o coñecido xa como medicamentazo e que foi anunciado onte polo Goberno.
As manchas de fuel en Asturias esténdense por sete kilómetros da costa próxima á central térmica de HC Energía, culpable do vertido, situada en Carreño
Os partidarios da independencia en Catalunya xa son maioría, segundo unha enquisa da Generalitat. O 51% dos cataláns votaría a favor de separarse de España.
O grupo ecoloxista Adenco felicítase pola decisión da empresa Engabiomasa de trasladar a planta de biomasa que tiña pensado instalar en Ribadetea para unha nova localización en Mondariz. Considera que é unha vitoria dos veciños e colectivos que se mobilizaron contra o proxecto e agora comezará unha campaña no novo emprazamento para alertar os veciños do impacto que tería a planta.
O Eurogrupo insiste en que España será "plenamente responsable" do rescate á banca, polo que volve descartar a recapitalización directa dos bancos que solicita o Goberno.
A CRTVG prescinde de 93 traballadores e alega que non son despedimentos, senón ceses dos seus empregados interinos.
A Plataforma Galega en Defensa do Ensino Público concentrouse este mércores diante da Consellaría de Educación para amosar o seu rexeitamento aos "recortes" que o Goberno de Núñez está a realizar na ensinanza galega. Segundo o colectivo, os datos confirman xa a redución de prazas de profesorado e unidades para o curso que vén.
Bild publica hoxe a súa portada escrita a man para denunciar a fin da caligrafía. Baixo o titular "Alarma! A escrita manual extínguese", afirma que un de cada tres adultos non escribiu nada a man nos últimos seis meses
