A Coordinadora Nacional do Encontro Irmandiño decidiu crear unha comisión, formada por Xosé Manuel Beiras, Concha Trigo e Mario López Rico, para tratar co BNG, en “boa avinza, a situación dos Concellos nos que se comparte grupo municipal. Así mesmo, impulsaranse grupos de base nas localidades e comarcas "conxuntamente con todos aqueles que se identifiquen coa idea do novo proxecto común".
Banco Pastor pechou 2011 cuns beneficios de 51,9 millóns de euros, un 16,3% menos que o exercicio precedente. A entidade que preside José María Arias será absorbida por Banco Popular proximamente
Os catros sindicatos da Función Pública proseguirán co seu calendario de mobilizacións e non descartan chamar aos empregados da administración a unha folga xeral.
O Encontro Irmandiño vénlle de remitir "un escrito" a Guillerme Vázquez "para solicitar de inmediato unha reunión" para tratar o futuro dos cargos públicos. A Coordinadora Nacional do EI sinala que a súa "vontade" é que "os grupos municipais nacionalistas poidan seguir traballando con normalidade ao servizo dos cidadáns". Para "falar co BNG" os irmandiños designan a Xosé Manuel Beiras, Concha Trigo e Mario López Rico.
Consello da Xunta: Feijóo recoméndalles "tolerancia" e "coñecer mellor a historia" aos mozos que se manifestaron contra a homenaxe a Fraga na Universidade de Santiago
Consello da Xunta: O Goberno galego poderá decidir a redución de ata un terzo da xornada laboral do persoal interino e temporal da Xunta. Vén de anuncialo a conselleira de Facenda.
Consello da Xunta: O Goberno galego nomea a comisión que coordinará a transformación da Televisión de Galicia, a Radio Galega e a CRTVG nunha única corporación. Depende da secretaría xeral do Patrimonio (Facenda), da secretaría xeral da Presidencia e do director xeral do actual ente público.
Consello da Xunta: O Goberno galego nomea a comisión que coordinará a transformación da Televisión de Galicia, a Radio Galega e a CRTVG nunha única corporación. Depende da secretaría xeral do Patrimonio (Facenda), da secretaría xeral da Presidencia e do director xeral do actual ente público.
Consello da Xunta:O Goberno galego aproba cambiar a sinalización turística aprobada polo bipartito en 2008. Di Feijóo que a decisión vén dada pola aprobación da Lei do Turismo e tamén por razóns "técnicas" e "de marketing".
Consello da Xunta: Feijóo anuncia a eliminación doutros 25 entes dependentes da Adminstración autonómica. Asegura que ao final da lexislatura haberá a metade dos denominados 'chiringuitos' que cando asumiu o Goberno.