Besteiro reclámalle á Xunta que elabore orzamentos participativos ao xeito da Deputación de Lugo. Fíxoo durante a presentación das contas do ente provincial lucense no Parlamento, onde reivindicou que a "alternativa política progresista" é "solvente e viable" dende o punto de vista económico.
O PP recomenda darlle a Juan Carlos de Borbón "unha xubilacion de ouro" e rexeita no Congreso recortar o orzamento da Casa Real. Recólleo Europa Press
O portal Internet Archive recupera de balde 900 videoxogos clásicos, aos que agora se pode xogar a través do propio navegador. Están todos dispoñibles nesta ligazón.
A web Alt1040 elabora unha lista de medios "alternativos" aos que apoian a nova Lei de Propiedade Intelectual e o novo canon AEDE. Entre eles figuran os galegos Galicia Confidencial, Sermos Galiza, Diario Liberdade e Praza Pública
Saen á venda os abonos para o festival Cineuropa. En Praza poderedes seguir o máis destacado do certame compostelán co crítico de cinema Gonzalo Ballesteros.
Máis de 4.200 alumnos e alumnas de 75 centros escolares achegaranse este mércores en galego á programación de ordenadores a través dunha videoconferencia organizada pola Coordinadora Galega de Equipos de Normalización e Dinamización Lingüística con motivo do V Día da Ciencia en Galego
A Generalitat mantén o 9-N e denuncia o Estado. O Govern convoca as entidades sociais do Pacte Nacional pel Dret a Decidir para "defender a liberdade de expresión". O Executivo central responde dicindo que non haberá consulta.
O Constitucional suspende tamén a consulta alternativa do 9-N e prohíbe todos os actos vinculados ao proceso consultivo do vindeiro domingo.
A deputada Consuelo Martínez abandona AGE e solicita integrarse no Grupo Mixto. Martínez, que ofrece a esta hora unha rolda de prensa en Compostela, toma esta decisión tras a decisión de Cerna de abandonar Anova. Máis información, hoxe en Praza.
A Asociación de Sen Papeis de Madrid lanza unha campaña para que a Fiscalíe impute a El Faro de Melilla por "incitación ao odio", tras a portada do xornal na que se dicía que as persoas que tentaban superar a valla lanzaban "escupitajos con ébola"