Vox pide ao Parlamento andaluz os nomes dos funcionarios que avalían os casos de violencia machista. O portavoz da formación nesa Cámara, o xuíz Francisco Serrano, quere “depurar” aos traballadores polos seus “motivos ideolóxicos”.
Fálase
-
A partir de maio todos os vehículos de alugueiro con condutor (VTC) de Galicia deberán levar obrigatoriamente estes autoadhesivos, cos que a Xunta busca impedir a competencia desleal de compañías como Cabify, que xa opera na Coruña. Galicia ten xa 1 VTC por cada 9 taxis, o triplo do máximo permitido pola lei.
Suspendida a cotización de Abanca por unha posible OPA sobre Liberbank. 'Expansión' anunciou que a entidade galega media mercar o banco fundado por CajAstur, Caja Cantabria e Caja Extremadura.
Increméntase o risco de ruptura na Confederación de Empresarios de Galicia (CEG), ao fracasar a aprobación dos novos estatutos da entidade. Os empresarios da Coruña e de Lugo, por un lado, e de Pontevedra e de Ourense, polo outro, manteñen posicións afastadas en varios asuntos.
Moitas persoas lamentaron nas últimas horas nas redes sociais o peche de Andel, unha das últimas librarías de obras en galego na cidade de Vigo. O establecemento, que fará liquidación ata o 30 de marzo, fixo o anuncio no Día Internacional da Lingua Materna
Unha manifestación pon fin á convocatoria de folga xeral contra o xuízo aos líderes políticos independentistas celebrada este xoves en Catalunya. Malia non ser masiva, houbo problemas en estradas e vías de tren e uns 40 feridos leves.
A Xunta prevé que a prohibición da UE de vaixelas dun só uso se aplique en Galicia a partir do próximo ano. O Goberno galego inicia agora a tramitación dunha nova lei de residuos que se adapte á normativa comunitaria e que tamén obrigará aos establecementos de restauración a entregar á clientela as sobras non consumidas no local en envases sen plástico.
VÍDEO | A familia dunha anciá residente en Teo mobilízase para evitar que o Banco Santander a desafiuce. Nós TV recolle a mobilización na sede compostelá da entidade bancaria, na que os familiares contaron co apoio do alcalde teense, de membros da corporación compostelá e colectivos sociais da capital galega.
A Xunta encarga unha patrulleira de altura para o servizo de Gardacostas por 6,5 millóns. Substituirá á actual 'Paio Gómez Chariño', cedida polo Estado e que xunto con outros tres barcos vén sendo xestionada por unha empresa privada cun contrato prorrogado desde hai máis dunha década.
O senador do partido de extrema dereita Vox en representación do Parlamento de Andalucía impide no seu primeiro pleno no Senado aprobar unha declaración institucional contra a homofobia no deporte, toda vez que esta figura require unanimidade. O senador é Francisco José Alcaraz, ex-presidente da AVT e durante anos moi próximo ao PP.
