O delegado da Xunta en Lugo reacciona ante os últimos incendios constatando que "o monte non arde por casualidade". "Todos os estudos así o demostran", indica José Manuel Balseiro, que en declaracións recollidas por El Progreso indicou que "todo apunta" a que incendios como o sufrido por Sober dende a pasada fin de semana son "provocados".
Arquivada a imputación contra o director de La Razón e o presidente da empresa editora do xornal. Marhuenda e Casals foran citados como investigados a pasada semana por coaccións á presidenta da Comunidade de Madrid, Cristina Cifuentes.
Arquivada a denuncia da editora do xornal 'El Correo Gallego' contra o alcalde de Santiago. A empresa demandaba a inhabilitación de Martiño Noriega por referirse en Facebook ás súas débedas. Contra esta resolución non cabe recurso. Cóntao eldiario.es
Zapatero cre que Catalunya ataca a Susana Díaz por ser andaluza e muller. O ex-presidente do Goberno central pide acabar cos "prexuízos" contra a presidenta da Junta de Andalucía.
O Concello da Coruña denega á Xunta a apertura da sede xudicial en Tabacos porque a reforma incumpre a licenza. Xustiza deberá presentar o proxecto reformado para obter o permiso de primeira ocupación.
O xuíz tivo que colocar un micrófono no despacho de Ignacio González ante as "filtracións" que recibía e a "especial gravidade" dos delitos investigados. Cóntao a Cadena SER.
A Fiscalía encausa a delegada do Goberno en Madrid por fraude. Deuncia a Dancausa, o irmán de Ignació González e outros 14 cargos públicos por unha ruinosa operación en Mercamadrid.
VÍDEO | O incendio de Sober queimou xa unhas 120 hectáreas de monte, segundo as últimas estimacións de Medio Rural, que dá o lume por "estabilizado", pero non aínda por controlado. Nos últimos días arderon máis de 1.100 hectáreas en Galicia. Imaxes do incendio tomadas por brigadistas da Brif de Laza.
O xuíz investiga a Villar Mir e Eduardo Zaplana na operación Lezo. O empresario dono de OHL e Ferroatlántica xa fora investigado polos papeis de Bárcenas. O maxistrado pide agora datos sobre ambos, se ben non están formalmente imputados polo momento.
Falece Mariví Villaverde. A escritora, exiliada tres veces pola persecución franquista, morreu este domingo. Era filla do primeiro alcalde republicano de Vilagarcía e deputado, Elpidio Villaverde, e viúva do activista Ramón de Valenzuela. Foi Republicana de Honra pola CRMH da Coruña en 2012.
