Este mediodía celébrase a xuntanza de Feijóo cos ex presidentes da Xunta. A convocatoria de Monte Pío é só para medios gráficos, polo que non caben preguntas.
Fálase
-
O paro subiu en setembro en 25.572 persoas, e suma 4.724.355 desempregados. Con todo, é o mellor mes de setembro dende 2007. Cae tamén a afiliación á Seguridade Social en 22.242 persoas. En Galicia hai 3.209 desempregados máis que o mes pasado.
Ás 9.30 comeza no senado italiano a moción de confianza do primeiro ministro Enrico Letta. Verase se os deputados do PDL seguen as indicacións de Berlusconi para que voten en contra para acelerar a caída do Goberno ou se atenden ao número dous dos conservadores, Angelino Alfano, que aposta por apoiar a Letta.
Despois do fracaso na implantación do DNI electrónico, ponse en marcha o DNI 3.0, do que se promete que terá unha maior facilidade de expedición e de uso.
Este mércores comeza o xuízo contra Carlos Fabra, ex presidente do PP de Castellón. Está acusado de tráfico de influencias, suborno e fraudes fiscais e para el piden unha pena de 13 anos de prisión. Fontes xudiciais sinalan que Fabra será procesado en “territorio amigo”.
Conde Roa, condenado a dous anos de prisión por un delicto de fraude fiscal. Deberá tamén pagar unha multa de 582.000 euros, acusado de no abonar 291.000 euros de IVE pola venda de 61 vivendas en 2010 construidas pola súa promotora
O alcalde de Zaragoza pide a suspensión da autonomía de Cataluña. O socialista Belloch insiste en que a finalidade de ETA e do proceso catalán son a mesma.
O 'número dous' de Berlusconi racha co seu líder e pide votar a favor de Letta para non romper o goberno italiano.
O BNG e Anova reúnense mañá en Compostela para abordar as posibilidades de conformación dunha candidatura para as eleccións europeas.
Anova e Izquierda Unida reuníronse esta mañá en Compostela para "intercambiar posicionamentos e opinións sobre a necesaria ruptura democrática" e a súa "posíbel incidencia nas vindeiras eleccións europeas". Na xuntanza, enmarcada no "panel de contactos coas forzas políticas nacionalistas galega se da esquerda rupturista", participaron Xosé Manuel Beiras e o secretario de organización de IU, Miguel Reneses.