O actor James Gandolfini, protagonista de The Sopranos, entre outros filmes e series, faleceu esta noite vítima dun infarto aos 51 anos de idade.
Fálase
-
A presión das autonomías obriga a Wert a revisar as bolsas. O ministro de Educación acepta modificar a nota para acadar as axudas en bacharelato e FP. As socialistas Andalucía e Asturias pero tamén as populares Castela-A Mancha e Castela e León posicionáronse contra o decreto do Goberno dende un primeiro momento na xuntanza que tivo lugar a última hora de onte.
São Paulo e Río retiran a suba do transporte despois de 12 días de protestas
Manifestación en Vigo na defensa do aeroporto de Peinador. A mobilización obriga a pechar o centro da cidade ao tráfico. Imaxe de @crtvg_vigo.
O PP afirma que o valenciano xa se escribía no século VI antes de Cristo. A oposición pregunta se o promotor da iniciativa no parlamento autonómico "era xa deputado no pleistoceno".
"No, I'm not going to the world cup". Un vídeo de Carla Dauden, cineasta brasileira radicada nos Estados Unidos, estase convertendo nun fenómeno viral no marco das protestas desta semana no Brasil
Naukas enumera en Quo "as dez pragas do I+D+i español", comezando pola paralización de proxectos ou a dificultade para desenvolver unha carreira investigadora, até o desmantelamento da Organización Nacional de Trasplantes ou os 800 doutores que cada ano marchan traballar ao extranxeiro.
O ex director xeral de Caixa Galicia, José Luis Méndez, pídelle protección á Xunta na súa chegada ao Parlamento o vindeiro venres, onde comparece na comisión de investigación das caixas. Teme a presenza de "grupos de presión", segundo informa Europa Press
RNE destitúe o seu director, Manuel Ventero, tras só un ano no cargo. A xestión de Ventero foi duramente criticada por boa parte do persoal da emisora pública, que acumula destacadas caídas de audiencia. Cóntao El País.
O deputado do PP e líder das súas Novas Xeracións, Javier Dorado, asegura "non saber" se "fiarse de Fernando Vázquez e Luís Tosar" ou dun "doutor en ciencias xeolóxicas". O científico que cita apoiou o proxecto xunto ao lobby mineiro en Bruxelas.