A xustiza confirma que Puigdemont pode ser candidato ás eleccións europeas. Así o veñen de resolver dous xulgados do contencioso de Madrid, que deste xeito seguen o criterio marcado polo Supremo para o ex-presidente catalán e os ex-conselleiros Comín e Ponsatí fronte ao veto que interpuxera a Xunta Electoral en resposta aos recursos de PP e Ciudadanos.
As inscricións nas oficinas de emprego reducíronse en 4.615 persoas durante o mes de abril en Galicia ata as 166.226. Son 16.065 menos que hai un ano. No mesmo mes o número de persoas a cotizar na Seguridade Social elevouse no país en 6.186; son 21.175 máis que no mesmo mes de 2018 e a cifra total queda en 1.010.592. Máis información, hoxe en Praza.gal.
Milleiros de persoas participaron este domingo en Santiago no día grande da Festa do Banquete, que por segundo ano consecutivo conmemorou o histórico Banquete de Conxo con actos culturais e un xantar de confraternidade.
En Marea anuncia o inicio dunha "reflexión en profundidade" sobre "o futuro da organización" tras as vindeiras eleccións municipais e europeas. Nese proceso, sinala a formación tras a xuntanza da súa dirección, terán en conta os "malos" resultados das eleccións xerais e o xeito de "afrontar con solvencia as eleccións autonómicas de 2020".
O Supremo determina que Puigdemont é elixible para presentarse ás europeas. O alto tribunal acorda que a competencia para resolver os recursos é do xulgado de Madrid que lle derivara a cuestión e pídelle que resolva “de inmediato”.
O Supremo decide este domingo se Puigdemont pode presentarse ás eleccións europeas do 26M. Tras frealo a Xunta Electoral e considerar a Fiscalía que si pode, será o alto tribunal o que decida sobre as candidaturas do ex-president e de Toni Comín e Clara Ponsatí.
Casado escenifica no Pino o seu xiro ao centro cun acto con Feijóo, que volve insistir en abrir o PP a máis votantes.
Gómez Noya, campión do mundo de tríatlon de longa distancia en Pontevedra. O pontevedrés Pablo Dapena, anterior campión mundial, remata segundo por diante do esloveno Jaro Kovacic. Esta foi a proba raíña dunha semana na que uns 4.000 deportistas participaron en Pontevedra nos diferente campionatos mundiais de dúatlon, tríatlon cross, ácuatlon, aquabike e tríatlon de longa distancia.
Desde esta fin de semana e durante todo o mes desenvólvese na Coruña o Resis, un festival atípico dedicado á música contemporánea do que Vinte fai un repaso.
A Fiscalía apoia que Puigdemont sexa candidato ás Europeas en contra do ditado pola Xunta Electoral. Agora un xulgado ten que resolver o recurso presentado polo ex-president contra a decisión da Xunta Electoral do pasado luns, que tamén inhabilitaba a Toni Comín e Clara Ponsatí.
