Todos os partidos españois en Bruxelas agás o PP esixen que Cañete se explique na Eurocámara. PSOE, Podemos, Ciudadanos e IU mobilízanse para que responda tras coñecerse que a súa dona se acolleu á amnistía fiscal.
Fálase
Fin da folga de limpeza tras rescindir a Xunta o contrato con Linorsa. Os traballadores decidiron suspender o paro que afectaba o ambulatorio de Arousa.
Os billetes de 500 euros deixarán de imprimirse en 2018. O BCE confirma o cesamento na emisión destes billetes, que seguirán sendo de curso legal.
Unha das familias en folga de fame en Vigo acepta realoxarse nun piso da Xunta en Salvaterra do Miño. Os afectados reclaman un aluguer social ante o Concello e piden a mediación das administracións.
O abandono de Kasich garante a Donald Trump a candidatura do Partido Republicano para as eleccións á presidencia dos EUA.
Méndez Romeu competirá por encabezar a candidatura socialista á Xunta, segundo publica Faro de Vigo. O portavoz parlamentario do PSdeG anunciará este venres a súa decisión de concorrer ás primarias, uníndose a Xoaquín Fernández Leiceaga e a Gonzalo Caballero
Rajoy adianta a súa presenza en Ourense ao venres e non asistirá ao congreso do PPdeG, que se celebra na cidade a fin de semana. En 2012 os populares galegos evitaran a presenza do seu líder estatal na proclamación de Feijóo como candidato á Xunta.
Calendario laboral 2017: Reis, o Día das Letras, o Xoves Santo e o Día Nacional de Galicia serán os festivos de carácter galego do vindeiro ano, segundo avanzou este xoves a Xunta, que terá que ratificar estas datas nun decreto.
Gonzalo Caballero rexistrará esta tarde a súa candidatura ás primarias do PSdeG. Como lembra Faro de Vigo, xa tentara sen éxito competir con Pachi Vázquez pola secretaría xeral do partido en 2009.
Un xulgado condena o Concello de Santiago a readmitir a unha exasesora do PP que denunciou o consistorio despois de que o seu partido prescindise dos servizos que viña exercendo dende os anos 90. Cóntao La Voz