O eurodeputado socialista José Blanco trasládalle á Comisión Europea a necesidade de que o Hospital de Lugo conte co servizo de hemodinámica as 24 horas do día.
Fálase
-
A selección catalá de fútbol sala é vetada no Mundial malia clasificarse para competir nel. A Federación bielorrusa, que organiza o campionato, esixiulle por carta á Asociación Mundial de Futsal a retirada de Catalunya e de Taiwan por, segundo informa L'Esportiu, temor a represalias de España e China.
Hernández planea meter na súa lista a dous dos 7 edís que aprobaron pagar o avogado dun compañeiro imputado na Pokémon e que foron absoltos pola Audiencia da Coruña tras seren inhabilitados en primeira instancia, segundo El Correo Gallego
Inditex pechou 108 tendas nos últimos dous anos no Estado español mentres as abría no resto do mundo. Cóntao El Diario
O PSdeG ve a Feijóo "partícipe a título lucrativo" da trama Gürtel e volve esixir que explique no Parlamento o financiamento do seu partido
O PPdeG cambia menos candidatos municipais ca nunca dende que Feijóo o dirixe, segundo La Voz
Google Maps incorpora unha capa que permite xogar ao Pac-Man, o célebre 'comecocos', sobre calquera rúa do mundo. Na imaxe, o xogo sobre o centro de Santiago.
Ourense en Común asegura que "nin os poderes locais nin as familias da vella política" os pararán, logo de recoñecer que se "trabucaron" ao "rebaixar as garantías" para aumentar a participación e ao "pensar que o mellor sistema eran unhas primarias abertas" nunha provincia "co prácticas caciquís da restauración borbónica". A plataforma cidadá explicou ante os medios o seu futuro e a forma de elixir a súa lista electoral.
O Goberno central crea un documento especial para que as persoas inmigrantes sen papeis teñan acceso á atención sanitaria, dando marcha atrás á decisión que adoptara en 2012 e que acabara coa universalidade deste dereito en España. Esixirase estar empadroado/a e o dereito á atención estará limitado á comunidade autónoma de residencia.
Un incendio ameaza o Xurés. O lume, en Lobios, iniciouse ás 11 da mañá e supera xa as tres hectáreas. Fotografía de @BrifLaza.
