Artistas reivindican o MAC na apertura da derradeira exposición do museo, que pechará as súas portas en decembro. "Perdemos algo noso, ao que non estamos dispostos a renunciar", destaca o presidente da Asociación Profesional de Artistas de Galicia A Colectiva
O Goberno central autoriza unha nova suba do 1,9% nas peaxes da AP-9, en compensación a Audasa polas obras realizadas (por exemplo na Ponte de Rande) e polas bonificacións aplicadas entre Vigo e Pontevedra. O prezo subiu xa un 1,9% a comezos de ano pola actualización do IPC
VÍDEO | Un camioneiro ataca a marteladas a un ciclista ás portas de ENCE en Pontevedra. O deportista, que foi hospitalizado, circulaba nas proximidades da pasteira con outro compañeiro cando, tras seren rebasados polo vehículo, lle recriminaron a súa actitude ao transportista. O condutor do camión agrediu un deles co martelo e estragou as bicicletas, tal e como amosa o vídeo remitido a Praza.gal por unha testemuña dos feitos. Consulta aquí o vídeo e a información dos feitos.
Antía Cal e María Xosé Queizán, gañadoras do premio Otero Pedrayo segundo o ditame do xurado reunido no Pazo de Mariñán. A pedagoga e a escritora son distinguidas por cadansúas traxectorias profesionais con este galardón, impulsado pola Xunta e as catro deputacións, desta volta coa da Coruña como organizadora.
Os premios Fest aos mellores festivais recoñecen a varios galegos en varias categorías: o Resurrection pola súa achega turística á súa contorna, o Portamérica pola súa zona gastronómica e a súa comunicación cun documental de concienciación ambiental, e O Son do Camiño como festival revelación.
O CIS mantén o PSOE como primeira forza en intención de voto e baixa o PP á terceira posición, por tras de Ciudadanos, e por diante de Unidos Podemos e as súas confluencias, que serían cuarta forza. Son os resultados do barómetro de outubro, xa atinxido pola nova metodoloxía instaurada tras o cambio de Goberno en España e a toma de posesión do novo equipo directivo do instituto demoscópico estatal.
A compostelá sala Numax, sede por segundo ano consecutivo da iniciativa europea LUX Film Days, coa que a Eurocámara, o Programa MEDIA Europa e Europa Cinemas distinguen os "filmes que mellor ilustran os valores sociais europeos e a súa diversidade cultural". Vinte e catro cinemas de todo o continente acollerán as proxeccións simultáneas das películas A muller da montaña e STYX.
Multitude de eloxios ao xogador do Celta Fran Beltrán, nado en Seseña (Toledo), por aprender galego e usalo en público. Beltran quixo empregar a lingua galega para recibir o premio que o distingue como xogador preferido da afección do equipo vigués no mes de setembro.
EPA | O paro descendeu en Galicia en 22.000 persoas no terceiro trimestre do ano, unha baixada de 28.700 a respecto do ano anterior que deixa a cifra total en 153.000. No mesmo período o emprego incrementouse en 20.700 persoas no país, 24.000 máis que un ano antes. Toda a información, hoxe en Praza.gal.
Casado sentencia que Pedro Sánchez é "responsable dun golpe de Estado" que, segundo o líder do PP, "se está a perpetrar en España". Afirmouno durante o debate sobre o último Consello Europeo e mais a venda de armas a Arabia Saudita, no que Sánchez considerou que cómpre manter os contratos de corbetas militares para ese país para "defender os intereses de España". (Imaxes: Congreso dos Deputados)
