Rajoy négase a asistir ao debate con Sánchez, Iglesias e Rivera que emitirá o grupo Atresmedia o 7 de decembro. No seu lugar acudirá Soraya Sáenz de Santamaría.
Fálase
-
Portugal terá Goberno de esquerda. Cavaco accedeu finalmente a designar a António Costa como primeiro ministro, xa que o mantemento do Executivo da dereita en minoría, admite, "não corresponderia ao interesse nacional"
O alcalde de Becerreá volve votar co PP na Deputación de Lugo, desta volta nunha moción encamiñada a retirarlle competencias á Xunta de Goberno e trasladalas ao pleno. Nesta sesión plenaria Manuel Martínez deixará de pertencer formalmente ao grupo do PSdeG, partido do que está provisionalmente expulsado. Máis información, hoxe en Praza.
A Coruña acolle este sábado unha xuntanza de alcaldes das "cidades rebeldes". Xulio Ferreiro, Martiño Noriega, Ada Colau ou Joan Ribó participarán nun encontro das Cidades polo Ben Común nas que reivindican que "o cambio non hai quen o pare".
O Constitucional rexeita o recurso que pedía derrubar a Cruz do Castro en Vigo. O Tribunal arquiva as accións iniciadas pola Asociación Viguesa pola Memoria Histórica do 36 "sen máis trámite".
O PP cualifica de "buenismo retrógrado" o manifesto contra a guerra promovido por alcaldes e alcaldesas como Xulio Ferreiro e Ada Colau xunto a representantes de colectivos sociais.
O BOE publica este martes as candidaturas proclamadas para as eleccións xerais. Como informou Praza, en Galicia concorrerán trece formacións aos comicios do 20 de decembro.
A dixitalización do Arquivo Histórico Nacional e a cesión á Xunta dunha copia permitirá en breve a consulta a través do Arquivo dixital de Galicia da documentación relacionada coas causas xudiciais da Guerra Civil, conta Faro de Vigo, facilitando o traballo de investigación, que segue atopando moitos obstáculos
As empresas de Economía Social representan xa o 10% do PIB en España e xeran o 12,5% do emprego, segundo un informe elaborado pola Confederación Empresarial Española de la Economía Social, e presentado este luns. Entre as galegas destacan Coren ou Feiraco.
Así se ve Galicia desde a Estación Espacial Internacional. GCiencia repara nas fotos que os austronautas tomaron e que a NASA vén de publicar, onde se inclúe un amplo retrato da paisaxe galega.
