O presidente de Colombia, Premio Nobel da Paz. O xurado destaca de Juan Manuel Santos os seus "esforzos por rematar coa guerra civil de máis de 50 anos". O premio chega poucos días despois do "non" no plebiscito sobre o acordo de paz coas FARC e é cuestionado por quen lembran as acusacións de "execucións extraxudiciais" por parte do Exército colombiano mentres Santos era ministro de Defensa.
O xuíz non imputará por homicidio os excarcerados pola morte de Jimmy. Rexeita encausar os ultras sinalados pola policía e cuxa imputación solicitara a Fiscalía.
Luís Villares asumirá a portavocía e a presidencia do grupo parlamentario de En Marea, que este xoves mantivo a súa primeira xuntanza no Pazo do Hórreo, na que avanzou a celebración de presentacións comarcais e o reparto de responsabilidades entre "varias" viceportavocías.
Luís Villares asumirá a portavocía e a presidencia do grupo parlamentario de En Marea, que este xoves mantivo a súa primeira xuntanza no Pazo do Hórreo, na que avanzou a celebración de presentacións comarcais e o reparto de responsabilidades entre "varias" viceportavocías.
O alcalde de Ferrol redistribúe as competencias entre os edís de Ferrol en Común e agarda coñecer que "nuns días" se manterá no goberno as dúas edís do PSdeG contrarias á ruptura da coalición.
O equipo de Pedro Sánchez atribúe a súa caída a que avanzara nas negociacións con forzas soberanistas para a investidura. Crónica en eldiario.es
O alcalde de Vilariño de Conso, Ventura Sierra (PP), será xulgado por presuntas irregularidades na contratación de persoal do Concello para a extinción de incendios e axuda a domicilio. Así o vén de ditaminar o xulgado da Pobra de Trives, que no auto de apertura de xuízo oral lle atribúe presuntos delitos de falsidade e prevaricación, polos que se enfronta a unha condena de ata cinco anos de cadea e inhabilitación. O caso fora levado á Fiscalía polo PSdeG e o grupo independente Aivic, coaligados neste municipio.
A xuíza De Lara rexistra casas da familia do ex-alcalde popular de Ribadumia, 'Nené' Barral, nunha operación contra o contrabando e o branqueo. Barral xa estivo ligado previamente a casos de presunto contrabando. Adiántao El País
En marcha en Vigo a manifestación das traballadoras e traballadores das centrais de chamadas (contact centers), que este xoves levan a cabo unha folga xeral en toda España en demanda dun convenio colectivo xusto. O sector emprega a preto de 8 mil persoas en Galicia. Ás 20 horas está convocada unha mobilización na Coruña, onde Extel vén de anunciar un ERE que pode deixar na rúa 205 persoas.
Pallasos en Rebeldía e o Festival Esperanzah! organizaron en Melilla o Festiclown Frontera Sur, que serviu para protestar contra a política migratoria da UE e, especialmente, contra o “valado da vergoña”, na fronteira con Marrocos, onde realizaron varias accións reivindicativas.
