O vicesecretario de organización do PP, Carlos Floriano, reclama "límites" para a "liberdade de información". Fíxoo esta mañá durante unha entrevista en Radio Nacional de España.
![](https://praza.gal/media/cache/live_image/xornal/uploads/falase/foto/5138529151fcc-1362650190769.jpg)
O vicesecretario de organización do PP, Carlos Floriano, reclama "límites" para a "liberdade de información". Fíxoo esta mañá durante unha entrevista en Radio Nacional de España.
O xuíz rexeita que o partido de Mario Conde se presente como acusación popular no caso Gürtel. Cóntao El Diario.
Está a xerar polémica a elección por parte da Xunta da escritora Marta Rivera de la Cruz como única representante do mundo da literatura nos actos oficiais do 8 de marzo, este ano centrados na figura de Rosalía de Castro. Rivera de la Cruz protagonizou polémicas posicións públicas a respecto da lingua galega e do seu uso no ensino e nas institucións.
Rodríguez Ibarra asegura que Rajoy pediu "un rescate á galega". O ex presidente estremeño di en Antena 3 que a decisión do xefe do Executivo "non deu malos resultados".
Pódese seguir en directo nesta ligazón a xornada que no Parlamento Europeo organizan Verdes/ALE baixo o título Máis alá da reciclaxe: Boas prácticas na xestión de residuos na UE, na que participan organizacións ecoloxistas, expertos en medioambiente e responsables de proxectos de xestión de residuos
infoLibre analiza as conexións con paraísos fiscais de Capio, que xestiona en Madrid catro hospitais pagados con cartos públicos.
Este xoves nace infoLibre, o novo xornal dixital, dirixido por Jesús Maraña, que reivindica o xornalismo de calidade e libre de presións.
Un estudo de UGT conclúe que a mala xestión sanitaria na Comunidade Valenciá anticipou a morte de 2.752 persoas entre 2000 e 2009. O informe é moi critico co Modelo Alzira de xestión privada da sanidade pública
Rianxo acolle o 9 de marzo o I Certame Galego de Poesía Erótica Recitada. Os interesados pódense apuntar ese mesmo día, na media hora anterior ao recitado.
Antonio Quero realizará entre hoxe e o sábado tres presentacións en Galicia da iniciativa socialista Rescata la política. Trátase dunha iniciativa de Factoría Democrática, un grupo de militantes e simpatizantes do PSOE, que busca "xerar un amplo debate de ideas de cara á Conferencia Política de outubro de 2013". Este xoves haberá encontros na Coruña, mañá en Pontevedra e o sábado en Ourense.