Té con Gotas publica o seu novo podcast desde Inglaterra. Desta vez, este espazo de debate e análise galega desde Reino Unido céntrase no Brexit tras os últimos acontecementos e a nove días da data oficial da saída da UE. Na entrevista, Saleta Chao Rivas, pedagoga de Cuntis que traballa en Londres nun proxecto pioneiro de intervención familiar.
A UE condiciona unha prórroga prolongada ao Brexit a que caia o Goberno de May ou a un novo referendo. A primeira ministra británica acode este mércores novamente a Bruxelas.
ENCE conxela os investimentos en Pontevedra a partir de 2020 e prepara unha batalla legal contra a decisión do Estado de deixar de defender a prórroga que o Goberno de Rajoy lle concedera, segundo adianta Europa Press.
O Goberno central presenta o borrador do estatuto de consumidores electrointensivos, clave para evitar o peche de Alcoa e a chegada de investidores, tal e como adianta o Ministerio de Industria. Máis información, hoxe en Praza.gal.
Veciñanza de Sedes (Narón) homenaxeou este domingo as mulleres que secundaron hai 101 anos a revolta popular coñecida como "revolta das pedradas", histórica protesta contra a especulación con produtos de primeira necesidade. Imaxe divulgada polo colectivo organizador da homenaxe.
O ata agora candidato do PSdeG á alcaldía de Ourense anuncia a súa dimisión por "motivos persoais". "Con gran dor do meu corazou, comunico que, por motivos persoais, proximamente presentarei a miña renuncia a encabezar a lista do meu partido ás municipais e dimitirei como voceiro e concelleiro", anunciou aos medios José Ángel Vázquez Barquero, reelixido candidato o pasado novembro.
Ciudadanos anuncia a 'fichaxe' para as súas listas ao Congreso de Edmundo Blanco, avogado do Estado cesado polo Goberno central que defendía a existencia de rebelión no proceso soberanista de Catalunya (Imaxe: Cs)
José Blanco confirma que non recuncará na lista do PSOE ao Parlamento europeo, que hoxe serán confirmadas. O ex-ministro galego expresa "todo o apoio" ao lalinense Nicolás González Casares, actual tenente da alcaldía da vila do Deza, como "candidato do PSdeG" á Eurocámara no 26-M. González Casares ocupará o noveno posto na candidatura.
Volven os incendios a Ourense na recta final do inverno. O lume queimou este sábado unhas 70 hectáreas en Vilariño de Conso, que xa foi controlado. Imaxe dos traballos de extinción difundida pola Brif de Laza.
O vicesecretario de organización do PP, Javier Maroto, carga contra Pedro Sánchez e alcaldesa de Madrid, Manuela Carmena, por "permitir" a mobilización de independentistas cataláns en Madrid e afirma que "con Pablo Casado isto non volverá suceder". A lei vixente estipula que as manifestacións deben ser "comunicadas" ás autoridades, ás que non corresponde "permitilas" ou non en función do seu contido.
