A policia desaloxa o centro social ocupado Casablanca, referencia para os movementos sociais de Madrid dende 2010 e que acolleu, por exemplo, as primeiras reunións públicas de cara á convocatoria do 25-S e gardaba a biblioteca das asembleas do 15M da capital do Estado, uns dez mil volumes.
Rajoy responde á manifestación independentista en Catalunya de hai unha semana. "A resposta está na Constitución e nas leis e eu comprometinme a gardar a Constitución e as leis", di no Congreso.
Inditex gaña un 32% máis no primeiro semestre, até os 944 millóns, superando, en plena crise. A facturación total do grupo textil galego ascende aos 7.239 millóns, un 17% interanual máis.
A revista satírica francesa Charlie Hebdo volve publicar caricaturas de Mahoma, o que xa foi criticado polo primeiro ministro francés, Jean-Marc Ayrault. O director afirma que se o medio se autocensurase "gañarian os integristas".
Os traballadores de Forem CCOO, a fundación para a formación do sindicato, anuncian unha folga polo ERE que implica o despido de 24 dos 35 traballadores.
Enriquez Badás, ex concelleiro en Bande (mentras vivía en Arxentina, onde era o principal captador de votos para o PP ourensán) e moi próximo a Baltar, será o número 2 de SCD, o partido de Mario Conde, na provincia de Ourense.
El Diario conta que foi dos mineiros. Afirma que a protesta segue en Internet e prepara un outono de mobilizacións se o Goberno non dá resposta ás súas demandas.
El Diario publica un especial sobre o falecemento de Santiago Carrillo, con reportaxes sobre a súa actividade na clandestinidade, e artigos de Zapatero, Cándido Méndez e Ignacio Fernández Toxo.
Remata sen acordo a xuntanza entre PPdeG, PSdeG e BNG para negociar os debates electorais. O director xeral da CRTVG, Alfonso Sánchez Izquierdo, asegura que a negociación "avanzou" e continuará mañá.
Ryanair acusa o Ministerio de Fomento de falsear documentos e pide a destitución da directora da Axencia Española de Seguridade Aérea (AESA). A compañia acusa a funcionarios do ministerio de levar semana publicando nos medios informacións falsas.