O PP confirmou hoxe que o presidente das súas Novas Xeracións e secretario xeral de Nuevas Generaciones, Javier Dorado, se incorporará ao Parlamento polas baixas dos membros do Grupo Popular que ocupan altos cargos na Xunta. Foi no posto decimocuarto na lista do PP de Pontevedra.
Anova ironiza coa posibilidade de que a presidenta do Parlamento lles prohíba os deputados de AGE "que vaian ao baño acusándoos de terrorismo"
O proxecto para cubrir a praza de touros das Ventas paralízase, de momento, despois do derrubo da cuberta esta madrugada. Polo de agora, gastáronse xa catro millóns de euros.
Navantia asegura que non se construirá o dique flotante en Ferrol. Véñeno de asegurar os directivos da compañía na comisión de seguimento que se está a celebrar entre protestas dos traballadores.
O presidente do Parlamento Europeo cre "vergonzosa e lamentable" a taxa de paro xuvenil de España. Asegura que reducir esas cifras debe ser a prioridade das políticas comunitarias.
Castellano quere vender Novagalicia este mesmo ano pero sen poxa. Pretende unha privatización aos investidores que cre que pode atraer para o proxecto, segundo conta El Confidencial.
A Plataforma das Artes Escénicas celebra unha asemblea aberta ás portas do Salón Teatro para debater a grave situación do sector
Besteiro presiona para que o congreso do PSdeG se celebre antes do verán. Apremia a Pachi Vázquez e di que apurar as datas "é o sentir maioritario do partido" “A interinidade non beneficia o PSOE nin a sociedade", aclara o presidente da Deputación de Lugo.
PSdeG, AGE e BNG anuncian unha "resposta conxunta, firme e contundente" se a presidenta do Parlamento non "rectifica" a decisión de prohibirlles aos grupos convidar a cidadanía aos plenos da Cámara. Máis información sobre a comparecencia conxunta e a resposta do PP, esta mañá en Praza.
Os mozos autónomos pagarán cotas de 50 euros durante os seis primeiros meses. Inclúese dentro dunha estratexia do Goberno contra o paro xuvenil.