A Fiscalía alemá volve pedir a extradición a España do ex-presidente catalán Carles Puigdemont por rebelión e malversación, como xa fixera en abril. A decisión volve estar novamente nas mans do tribunal de Schleswig-Holstein, que daquela rexeitou a entrega por rebelión.
A Audiencia Nacional condena os mozos de Alsasua por desordes públicas pero non por terrorismo.
O Diario Oficial da Generalitat publica este venres o nomeamento dos novos membros do Goberno catalán, paso previo ao levantamento do artigo 155.
O M5S e a Liga Norte acordan un novo goberno con Giuseppe Conte como Primeiro Ministro e outro responsable de Economía, desprazando a Paolo Savona -rexeitado polo Presidente da República pola súa posición contraria ao euro- a outra carteira
Rosario Álvarez, nova presidenta do Consello da Cultura Galega. A catedrática de Filoloxía Galega substituirá a Ramón Villares na fin do seu mandato.
Estados Unidos anuncia novos aranceis para a Unión Europea, que anuncia que responderá con novas restricións aos produtos estadounidenses.
A Xunta aproba o decreto de axudas aos afectados pola explosión do almacén pirotécnico de Tui. Os solicitantes só terán que acreditar o título de propiedade da vivenda e o Concello de Tui que se trata dunha das vivendas afectadas.
Feminicidio.net inicia a publicación dunha serie de informes sobre a violencia sexual en España, cunha análise sobre as agresións sexuais múltiples producidas nos últimos anos ou da influencia da pornografía.
Rosalía Iglesias, dona de Bárcenas, xunta os 200.000 da fianza que lle permitirán saír en liberdade provisional mentres a sentenza do caso Gürtel, que a condenou a 15 anos de prisión, non é definitiva. Está a contalo eldiario.es
O Observatorio contra a Violencia de Xénero do Consello Xeral do Poder Xudicial estuda por primeira vez algúns asasinatos de mulleres máis aló dos cometidos por parellas ou exparellas, destacando que son casos nos que o xénero "era o que facía vulnerable" á muller. A ampliación do concepto de violencia de xénero a outros feminicidios é unha das demandas do movemento feminista
