O incendio de Queimadelos, en Mondariz, xa non ameaza vivendas, segundo a Xunta. Medio Rural desactivou o nivel 2 de alerta e dá por “estabilizado” o lume, dunhas 150 hectáreas.
Fálase
Bescansa apoia "sen dúbida" a postura da dirección de Podemos Galicia na súa relación con En Marea cara ás galegas. A dirixente da dirección estatal de Podemos atribúe as discrepancias sobre a confleuncia a que "hai un debate democrático moi saudable". Afirmouno nunha entrevista na SER.
A última enquisa do CIS reforza o "non" de Pedro Sánchez á investidura de Mariano Rajoy. Cóntao eldiario.es
A Xunta declara a "situación 2" nun incendio en Caldas de Reis pola proximidade do lume ás vivendas. Na zona traballan 10 helicópteros, 2 avións e 14 brigadas.
Audasa deberá pagar 300.000 euros a un condutor que perdeu unha perna por culpa dunha barreira mal suxeita. Un xulgado de Betanzos censura a “neglixencia da concesionaria” na conservación da bionda metálica coa que chocou o afectado.
A CNMV mantén a suspensión de cotización de Pescanova. O regulador di que a empresa aínda non lle trasladou toda a información que lle requiriu para permitir que volva á bolsa, da que saíu en 2013.
O CIS sinala o PSOE como único beneficiado de repetírense as eleccións xerais. O PP volvería gañar as eleccións e Unidos Podemos e Ciudadanos serían os partidos que máis perderían.
O BNG da Pastoriza dá o seu apoio a Luís Villares de cara ás autonómicas por ser un "candidato máis afín". O responsable local do Bloque, Diego Fernández, asegura que os responsables da fronte nacionalista no Concello abandonarán a formación.
O Parque Natural de Corrubedo, afectado por un incendio que acadou as 70 hectáreas, segundo a Xunta. O Goberno galego di que o lume comezou pouco despois da media noite e que quedou "estabilizado" ás once desta mañá. O risco de incendio é hoxe extremo na maioría de Galicia.
A trama de Rodrigo Rato dispoñía de 108 contas en 18 bancos. O ex vicepresidente do Goberno era titular de 56 delas.