Este sábado Rajoy será previsiblemente investido presidente do Goberno para un segundo mandato. A lexislatura ten pendentes de resolver diversas cuestións fundamentais para Galicia.
Fálase
-
A Xunta pechará os seis primeiros quilómetros do Corredor do Morrazo do 2 de novembro ata o 23 de xaneiro. A conselleira Ethel Vázquez argumenta que así as obras de desdobramento en autovía, que en principio non ían interromper o tráfico, avanzarán máis rápido e con menos riscos.
Menores dun centro de acollida concertado coa Xunta denuncian agresións físicas dos coidadores. Os nenos describen violencia verbal e física continuada por parte das relixiosas do Hogar de San José de las Hermanas de la Caridad de Vigo. Cóntao Público.
Docentes, pais, nais e alumnado celebran a decisión de deixar sen efecto as reválidas pero ven o paso insuficiente
O proxecto Feminicidio.net salienta que dende 2010 se cometeron en España 681 feminicidios, 45 deles en Galicia. A cifra é moi superior ás 390 mortes por violencia machista recollidas nas cifras oficiais.
Valonia levanta o seu veto ao CETA despois de acadar algunhas melloras menores. Bélxica consultará ao Tribunal de Xustiza da UE se os tribunais de arbitraxe que prevé o acordo son compatibles coa lexislación europea. A UE e Canadá asinarán, polo tanto, o tratado de libre comercio que funciona como antesala do TTIP.
O PP rexeita na Mesa do Parlamento a proposta do PSdeG sobre a AP-9 para pedirlle explicacións ao Congreso polo bloqueo do debate da súa transferencia a Galicia.
Rajoy perde a primeira votación da súa investidura. O sábado producirase a segunda, que previsiblemente gañará grazas a que o PSOE cambiará a súa postura do 'non' á abstención.
O Supremo ratifica o sobresemento da causa sobre o asasinato de José Couso. Rexeita presentar cuestión de inconstitucionalidade contra a última reforma da xustiza universal.
Feijóo di que a Xunta, unha das poucas comunidades que está a aplicar a Lomce, pedira ao Goberno que as reválidas non teñan efectos académicos. Saliéntao logo de que Rajoy veña de anunciar na súa investidura unha medida que xa estaba contemplada na norma.
