Unha parella de Rianxo e Pontecesures, entre as persoas falecidas nos atentados contra templos católicos e hoteis en Sri Lanka. O mozo tiña 31 anos e a moza, 32. Así o confirmou o alcalde de Pontecesures, segundo indica axencia EFE e recollen eldiario.es a TVG e Faro de Vigo. Nestes atentados faleceron case 300 persoas, segundo as últimas cifras oficiais.
28A | O PP recorre o reparto das quendas do debate desta noite. Os populares piden á Xunta Electoral que os prime por ser actualmente a forza máis votada.
A conselleira de Medio Ambiente asegura que "Ence non contamina a ría de Pontevedra" e di que "haberá que preguntarlle ao Concello" e "analizar o que está a ocorrer coas depuradoras". Ángeles Vázquez fixo estas declaracións nunha entrevista na Cadena SER.
García Egea pide aglutinar o voto no PP porque "se gaña Sánchez, o AVE a Galicia vai estar en mans de Junqueras". O secretario xeral do PP visitou este domingo Santiago de Compostela.
Máis de 180 mortos nunha serie de explosións en varias igrexas e hoteis de Sri Lanka. Hai máis de 400 feridos.
Varias enquisas outórganlle unha clara vitoria no #28A ao PSOE, que precisaría un acordo con grupos nacionalistas para gobernar. O inquérito de El País concédelle 129 escanos aos socialistas e o da Voz sitúa o seu posible pacto con Unidas Podemos ao bordo da maioría absoluta. A sondaxe para El Mundo advirte dun "empate entre bloques", mentres que a de Prensa Ibérica apunta a unha vitoria de Sánchez sen maioría clara de goberno.
A Xunta Electoral ordena á TVG "medidas compensatorias inmediatas" a prol de Ciudadanos por non incluír a formación laranxa no seu plan de cobertura electoral e logo de que o partido denunciase non ser convidado ao debate da televisión pública. O organismo estima parcialmente o recurso de C's pero aclara que o presentado contra o devandito plan de cobertura presentouse fóra de prazo.
O Celta vence o Girona (2-1) e dá outro paso importante cara á salvación. Iago Aspas e Boufal marcaron os tantos do equipo vigués.
En Marea condicionará a formación de goberno a que se anule a prórroga concedida "ilegalmente" a ENCE, segundo asegura Luís Villares, que acusa o PSOE de "complicidade" por non revogar a ampliación no Consello de Ministros e a Podemos de "levar a calada por resposta".
En Común esixirá "recursos efectivos" para a rexeneración "inmediata" da ría do Burgo "se ten posición decisiva no Goberno", segundo asegura Antón Gómez-Reino, cabeza de lista pola Coruña da formación.
