PP e Pacto x Ames impediron a votación da moción de Ames Novo que pedía a "restitución da memoria" da corporación municipal republicana, apartada en agosto de 1936 polos golpistas. A concelleira Pilar Candocia (Ames Novo) denunciou o "veto" e sinalou que "a memoria democrática non é querida por todos".
Centos de estudantes manifestáronse este xoves en Vigo, Compostela, Ferrol, A Coruña e Lugo contra a LOMCE e os recortes no ensino. Nas marchas, convocadas polo Sindicato de Estudantes, reclamouse unha folga de 72 horas na que participen alumnos, pais, nais e mestres
O goberno turco, que hai uns días bloqueou o acceso a Twitter, agora impide a entrada en Youtube. Ao igual que no primeiro caso, trátase dun bloqueo de DNS fácilmente ignorable (empregando outro servidor).
Unha detida no 22M conta a súa experiencia nun vídeo no que relata a mala experiencia vivida en comisaría. Raquel Tenías é membro de IU Aragón. "Non somos criminais, somos xente solidaria", di.
A Coordinadora 25S volverá á rúa este sábado contra a represión do 22M, por unha ruptura real do réxime de 1978 e a prol da "abolición da monarquía".
Varios xornais insisten nas "algaradas antisistema" que buscan "desestabilizar o Estado", segundo a Policía. O ABC ilustra a información cunha fotografía da manifestación contra a Lomce en Vigo.
Cargos de Adif non son quen de explicar a sinalización caótica en Angrois. A guía do maquinista non coincide coa realidade e hai sinais fóra de lugar.
PSOE e PP ratifican un "histórico" acordo orzamentario en Vigo que Caballero ve "un pulo para saír da crise" e ao que pide que se una o BNG.
O Seprona acusa a Aquagest de ocultar contaminación de auga en Ourense. A Garda Civil di que a Xunta non actuou malia coñecer a presenza de arsénico en Punxín.
Televisión Española sementa a polémica cunha reportaxe na que, supostamente, ofrece os trazos máis característicos do que denominan "colectivo antisistema" baseándose en aspectos como a roupa que utilizan. Recóllea El Diario
