Barreiro deixará de ser presidente do PP en Lugo. Deixa o cargo logo de que Negreira e Louzán abandonasen a semana pasada a dirección do partido na Coruña e Pontevedra. Elena Candia podía ser a nova líder da formación na provincia.
Fálase
-
Junts pel Sí e a CUP dan un paso máis cara á desconexión e crean as tres ponencias para as leis que poñen os primeiros pasos do Estado catalán.
A Inspección laboral pon 15,6 millóns en multas a empresas galegas. O plan da Xunta e Traballo detectou máis de 4.000 infraccións laborais.
O Concello da Coruña confirma que abriu un expediente de sanción a unha empresa de Florentino Pérez "ao detectar deficiencias na súa xestión". A firma Clece xa fora sancionada polo Concello de Santiago e facturara por servizos que non prestara en Pontevedra.
O Parlamento europeo aproba -cos votos de PP, PSOE e Ciudadanos- o informe de posición sobre o TISA redactado polo grupo popular. Os grupos de esquerda na cámara denuncian que o informe mantén a aposta pola "liberalización de determinados servizos" e a opacidade nas negociacións.
A xuíza reactiva a operación Cóndor coa detención dun xefe de Monbús, segundo adianta El País. De Lara lanzou esta operación en marzo do pasado ano, cando detivo o propietario da empresa, Raúl López, e realizou numerosos rexistros.
Bárcenas volve declarar no xulgado, nesta ocasión sobre o borrado dos seus discos duros na sede do PP
Piden a dimisión dun edil de Moraña por insultos sexistas a Carmela Silva. O concelleiro do PP encárgase da área de Igualdade e chamou "mala zorra e sinvergüenza" á presidenta da Deputación de Pontevedra nunha rede social.
A UE non cumpre nin co envío de mantas e chuvasqueiros para refuxiados. Europa tan só enviou unha parte do material solicitado.
Pedro Sánchez destaca en rolda de prensa que buscará apoios "a dereita e esquerda" na procura dun cambio "progresista e reformista". Albert Rivera ofrece "vía aberta" ao PSOE e "man tendida" ao PP. Pablo Iglesias reitéralle a Sánchez a oferta de pacto de esquerdas.
