A Audiencia Nacional condena a 20 persoas polo caso Forum Filatélico, “paradigma das estafas piramidais”, entre eles o ex-presidente da entidade, Francisco Briones, a 12 anos de cadea. O mesmo tempo, 12 anos, é o que fai da intervención da entidade e o estourido do caso, xunto co de Afinsa, dos que se calculou que deixaron en Galicia uns 35.000 afectados.
Arquivada a investigación xudicial a Augusto César Lendoiro por posibles delitos societarios como presidente do Deportivo entre 2007 e 2013. A xuíza dá por acreditado o "incumprimento das normas contables", se ben coida que non é posible "determinar o prexuízo ocasionado" nin acreditar que "os investigador obtivesen beneficios indebidos".
A Xunta organiza un funeral por Albor na catedral de Santiago o día 23 deste mes de xullo e abre un libro de condolencias na súa web institucional. O loito oficial polo pasamento do primeiro presidente electo do Goberno galego prolóngase ata o domingo.
Adif esqueceu remitir ao Tribunal de Cuentas, que critica posibles “arbitrariedades”, un contrato de 140 millóns sobre aparcamentos en estacións, entre elas cinco galegas. A empresa pública adxudicou en 2013 á firma Saba a explotación durante dez anos de 72 estacionamentos, entre eles os de Vigo Guixar, A Coruña, Ourense, Santiago e Pontevedra.
Casado proclama que "se é presidente do PP" proporá pechar as fronteiras españolas cara á UE como vinganza contra Alemaña por non entregar a Puigdemont por rebelión. "O espazo Schengen poderase suprimir se non hai garantías de que se respecte a España", proclama, nunha postura que tamén secunda o eurodeputado popular Esteban González Pons.
AUDIO | O alcalde de Fene, Gumersindo Galego (PP), carga contra o concerto que Sés ofrece este venres no municipio por crer que é "para público particular, non para público en xeral" e non propia "da semana cultural" fenesa, ligada ao Día Nacional de Galicia. O concerto foi contratado polo anterior goberno local, encabezado polo BNG, desbancado o pasado abril por unha moción de censura votada polo PP e Somos Fene. Ferrol 360 publica as declaracións íntegras
O tribunal alemán de Schleswig-Holstein decide extraditar a Puigdemont por malversación, pero non por rebelión, como sostiña a Fiscalía española. Está a contalo eldiario.es
Falece o ex-presidente Gerardo Fernández Albor aos 100 anos de idade. Máis información, hoxe en Praza.gal
Pablo Casado tenta captar o voto dos compromisarios do PPdeG e proclama: "Gustaríame falar galego, lo hago en la intimidad". Recólleo esta crónica de Sonia Vizoso para El País (Imaxe difundida pola candidatura de Casado). No mesmo día, Casado cargou contra movementos contra o 15M e chamou a "combater" a "ideoloxía de xénero".
Imputados dous policías por aporrear na cara e dar patadas a votantes na consulta do 1 de outubro en Catalunya. Adiántao eldiario.es
