ADIF comunica ao persoal que deixa de vender billetes na estación de Guillarei (Tui), que recada uns 10.000 euros mensuais, segundo informa o sindicato CGT. A central sindical advirte de que esta é a primeira das 7 estacións galegas nas que a empresa pública deixará de prestar o servizo.
Marea Atlántica dálle ao PSOE ata este mércores para que defina a súa posición sobre os orzamentos da Coruña. Xulio Ferreiro anuncia que, se os socialistas non toman unha decisión, convocará esta semana o pleno da cuestión de confianza, que podería celebrarse a que vén. "A cidade non pode estar agardado", di o rexedor.
A maior parte dos alumnos e alumnas do CEIP Ramón de la Sagra da Coruña seguen sen acudir ás clases, máis dunha semana despois do inicio dos traballos de retirada do amianto do edificio. As obras xa concluíron, pero nais e pais esixen coñecer os resultados das medicións realizadas, que habitualmente tardan 15 días. Os doutores Carmen Diego Roza e Carlos Piñeiro critican a actuación da Xunta neste caso
ÚLTIMA HORA | A Eurocamara pide á Comisión Europea a investigación independente sobre o accidente de Angrois que España non fixo. Toda a información, este mediodía en Praza.gal.
O Supremo do Reino Unido ditamina que o Parlamento terá que aprobar o Brexit antes de que o Goberno de Theresa May poida activar o proceso
Os Premios da Cultura galega distinguiron este luns a María Xosé Queizán (Letras), Numax (Audiovisual), Irmandade Xurídica Galega (Lingua), Sarabela Teatro (Artes escénicas), Museo de Pontevedra (Patrimonio), Maximino Zumalave (Música), Miguel Fernández (Artes plásticas) e Elena Zernova (Proxección exterior). Foron entregados polo presidente da Xunta nun acto na Cidade da Cultura.
As vítimas de Angrois comparecen esta mañá ante a Comisión de Peticións do Parlamento Europeo. Á tarde este mesmo órgano escoitará as demandas dos colectivos opostos á megaminaría en Galicia. A información, hoxe en Praza.
PSOE, CCOO e UGT pactan unha renda mínima sen contar con Podemos. Socialistas e sindicatos impulsan unha prestación contributiva para todos os parados sen ingresos á marxe da formación morada.
A xustiza frea o plan de Emprego que usa axencias privadas para recolocar parados. Unha sentenza dá a razón ao Goberno vasco e tomba no seu territorio o concurso de axencias de colocación que o Ministerio adxudicou en 2015.
Trump asina a orde para sacar os EUA do acordo comercial do Pacífico. O TPP está en proceso de ratificación nos parlamentos dos países firmantes para a súa entrada en vigor.