Fernando Epelde e Rafa Vilar, gañadores da I edición dos Premios SELIC de creación literaria. Os galardóns impulsados polo Concello de Santiago buscan "incrementar a presenza de Compostela na literatura escrita en galego", pois as obras presentadas deben ter a cidade como marco de acción ou referencia fundamental
Fálase
Os traballadores de Alcoa volveron saír á rúa este venres, manifestándose polas rúas da Coruña para esixir a continuidade da factoría de Aluminios e dos seus empregos
Trote, a primeira longametraxe de Xacio Baño, estréase este venres nunha ducia de cines de toda Galicia e outros sete do resto de España. O filme, protagonizado por María Vázquez e Celso Bugallo, foi seleccionado polos festivais de Locarno e Donostia. "Por moito que reneguemos do animal, do instinto, do primitivo, sempre vai ser parte de nós, e ademais é bo porque nos completa", dicía o director nesta entrevista.
O PP impide, a través do presidente do Parlamento, que a oposición poida usar espazos comúns da Cámara para a súa comisión paralela sobre os recortes sanitarios. En Marea, PSdeG e BNG terán que empregar as súas propias salas do Pazo do Hórreo para escoitar as comparecencias dos afectados polos recortes sanitarios que vetou o PP e que os tres grupos se puxeron de acordo en organizar entre eles.
O Colexio de Xornalistas responde ao presidente da Xunta, que este xoves se negou a responder unha pregunta dun xornalista de TVE-Galicia sobre o Venres Negro e a situación dos medios públicos galegos: "Ten previsto tomar algunha medida ou merécelle algún comentario o venres negro 30 na CRTVG?". Nas redes sociais un gran número de profesionais están utilizando a etiqueta #EuTaménReiteroPregunta
CC.OO. mantense como primeira forza sindical entre o persoal laboral dos Servizos Centrais da Xunta en San Caetano. O sindicato obtivo 6 dos 21 membros do Comité de Empresa, por 5 do CSIF, 4 da CIG, 3 da CUT e 2 de UGT
Compostela acolle este sábado o III Foro Negro da Cultura, que lle dá continuidade ás edicións celebradas en 2003 (como denuncia da xestión política da catástrofe do Prestige) e no 2008, organizada pola Asamblea Burla Negra e a rede Arredemo. O encontro forma parte do proxecto Unha Gran Burla Negra
As bases do BNG apoian unha candidatura conxunta ás eleccións ao Parlamento Europeo xunto a ERC e EH-Bildu. A proposta foi apoiada "por unha ampla maioría superior ao 90%", segundo aclara a formación nun comunicado.
O Consello da Xunta aproba os detalles da oferta de emprego público (OPE) na administración xeral para este 2018 a piques de rematar e que ascende a 2.225 prazas, 777 delas de promoción interna. A Xunta aínda ten sen convocar 714 prazas da súa oferta de 2016 a menos de tres meses de que caduque e da de 2017 só convocou 229.
Sabela acadou esta noite un posto na final de Operación Triunfo cantando en galego. Nacida en Ourol e residente nas Pontes, a súa interpretación de "Negro Caravel", de Rosa Cedrón, converteuna na máis votada polo público. VINTE estivo seguindo a gala en directo