A ex-deputada do PPdeG María José Caldelas, condenada a un ano de prisión por falsidade documental. Segundo a sentenza, que recolle a edición ourensá de La Voz, Caldelas utilizou documentación falsificada para tramitar a licenza do local de hostalería que rexentaba e que acabou anulada polo TSXG. Caldelas foi deputada na lexislatura de 2001 a 2005 e unha das participantes na rebelión 'baltarista' contra Manuel Fraga. É dende 2007 esposa do presidente da Deputación e do PP de Ourense, José Manuel Baltar.
Fálase
Puigdemont marcha a Bélxica ante o inicio das accións da Fiscalía do Estado contra el. Unha eventual orde de detención tería que cursarse a través de mecanismos da Unión Europea. Prevese que compareza ante a prensa en Bruxelas este mesmo luns. Consulta aquí toda a información
A xornalista e poeta galega Marga Tojo, gañadora do premio de poesía para nenas e nenos Cidade de Orihuela coa obra Cara de velocidad. O certame está ligado á figura de Miguel Hernández e impulsado pola editorial galega Kalandraka xunto ao Concello desta localidade.
A seca volve deixar á vista o lendario Castro Candaz de Chantada por mor da baixada do nivel do encoro de Belesar. Esta baixada das augas xa se producira o pasado xaneiro, atraendo gran número de visitas
ERC anuncia que vai "participar" nas eleccións catalás do 21-D e que procurará o xeito de que sexan "unha oportunidade máis para consolidar a República". O seu voceiro, Sergi Sabrià, sinala que o partido aínda non decidiu o xeito en que participará e se será concorrendo a elas de xeito ordinario.
O fiscal xeral do Estado anuncia querelas por rebelión, sedición e malversación contra os membros do Govern de Puigdemont e da Mesa do Parlament catalán. Vén de anuncialo José Manuel Maza nunha comparecencia ante os medios. Diversas fontes xurídicas apuntaron nos últimos días que o acontecido en Catalunya non encaixa no tipo penal da rebelión.
A Xunta entregou 14.600 euros ao Arcebispado para as súas Xornadas de Teoloxía. Turismo de Galicia realizou un contrato a dedo para colaborar con esa actividade que o Instituto Teológico Compostelano desenvolveu en Santiago entre o 6 e o 8 de setembro.
O Goberno español retruca á alerta internacional sobre o esgotamento da sardiña no Atlántico asegurando que aínda hai marxe de captura.
A conselleira do Medio Rural nega "un problema político" na xestión do operativo contra incendios e di non saber se as dúas persoas detidas tras a última vaga de lume deben ser ou non cualificadas como "terroristas". Afirmouno nunha entrevista na Cadena SER
Oriol Junqueras presenta como "claves" para "asentar" a República catalá as eleccions municipais de 2019. O líder de ERC afírmao nun artigo publicado en El Punt Avui no que censura as "decisións antidemocrática" do Goberno de España e advirte de que "nos vindeiros días teremos que tomar decisións que non sempre serán doadas de entender".