Feijóo di estar "razoablemente satisfeito" da aplicación da lei de dependencia en resposta a Leiceaga, que reprocha o difícil que é acceder a unha praza en residencias públicas. O socialista di que Galicia precisa 3.755 novas prazas para igualar a media estatal mentres a Xunta só promete 900 prazas en sete novas residencias nas sete cidades. O presidente replícalle comparando a situación actual coa do bipartito, cando aínda estaba a comezar a aplicación da lei.
A oposición municipal de Monforte reprobará o alcalde, José Tomé (PSdeG-PSOE), pola súa actitude "prepotente". A moción, que se presentará no pleno do vindeiro luns, será apoiada por PP, Esperta Monforte e polos catro edís que abandonaron o BNG
As nove persoas detidas este martes en relación coa manifestación de apoio ao CSOA Escárnio e Maldizer foron postas en liberdade a última hora de onte. Máis de 200 persoas participaron nunha concentración de protesta en Compostela contra a actuación policial, que se repetiu nas restantes cidades galegas
A folga no transporte por estrada continuará este mércores e os sindicatos non descartan "endurecer" a folga, ao tempo que lle piden ao Goberno galego que "tome nota" do éxito da mobilización, cunha incidencia do 100% nalgúns lugares.
Erros no SIRESP, o sistema de comunicación que bombeiros e outros corpos de seguridade e administración utilizan para coordinarse, explicarían os fallos cometidos nos primeiros momentos do incendio de Pedrógão Grande, sinala Público na súa portada.
ERC e Unidos Podemos piden no Congreso ver o documental sobre a brigada política creada no Ministerio de Interior por Jorge Fernández Díaz, titulado Las Cloacas del Estado, e que ningunha televisión accede a emitir
El Diario entrevista Antón Reixa como ex-presidente da SGAE, cargo do que foi destituído tras denunciar a fraude relacionada cos dereitos de autor nos programas musicais: "O Ministerio de Cultura coñecía a 'roda das televisións' e fixo caso omiso"
O Culturgal 2017 abre hoxe o prazo para a reserva de espazos e proposta de actividades na edición do seu décimo aniversario, que se celebrará os vindeiros 1, 2 e 3 de decembro no Pazo da Cultura de Pontevedra. A reserva de stands e as iniciativas para o programa pódense realizar a través da web da feira das industrias culturais.
Declara nos xulgados de Lugo o ex-edil do PP de Santiago investigado polo financiamento do partido. O ex-alcalde Conde Roa, tamén investigado no caso, non acudiu -vive no estranxeiro- e a súa declaración ante a xuíza De Lara foi adiada, segundo informa El Progreso
Detidas nove persoas que participaron na manifestación a prol do centro social Escárnio e Maldizer en Compostela o pasado 10 de xuño, segundo adianta Europa Press.