Chegou o Entroido! Despois de varias semanas nas que varias localidades (sobre todo as situadas no triángulo máxico ourensán) veñen quentando motores, este venres comezan os días grandes desta celebración, que chegarán ata o martes e mesmo ata o mércores en moitas zonas de Galicia.
Venres
- Xinzo de Limia: Desfile infantil
- Verín: Venres de compadreo
- Laza: Venres de Folión
Sábado
- Verín: 'Bautizo do cigarrón' a partir das 17 horas. Os novos cigarróns serán investidos por primeira vez
- Laza: Sabado de Cabritadas
- Vilariño de Conso: Desfile de Fulións e Festa do Cabrito
- Vilardevós: É o día no que saen os 'chocalleiros' e os 'fachóns'
- Manzaneda: Fuliada
Domingo
- Verín: Gran desfile matinal
- Ourense: Gran desfile pola tarde
- Laza: Pola mañá, estrea dos Peliqueiros e pola tarde desfile de carrozas
- Viana do Bolo: Domingo gordo, co desfile de Fulións, Boteiros e carrozas e coa celebración da Festa da Androlla.
- Cualedro: O Zarramoncalleiros agardan á saída da misa ás persoas que acudiron á igrexa
- Maceda: Os Felos percorren as vilas e aldeas da serra
- A Mezquita: Desfile dos Galos
- Entrimo: Desfile de Madamitas e Madamitos
- Esgos: É o día en que saen os Felos e as Madamas
Luns
- Laza: Luns borralleiro
- A Pobra do Brollón: O luns ás 17 horas é o momento da saída do Oso de Salcedo
Martes
- Xinzo de Limia: Gran desfile, a partir das 12 horas
- Manzaneda: Desfile de Fulións, a partir das 11.30 horas
- A Coruña: Martes choqueiro no barrio de Monte Alto
- Compostela: Desfile de carrozas polas rúas da capital de Galicia
- Chantada: Entroido Ribeirao, que tamén se celebra o domingo
- Cobres (Vilaboa): Madamas e Galáns e Corrida do Galo
Mércores
- Enterros da sardiña en varias localidades. Destaca a celebración na propia cidade de Ourense, Ribadavia, Vilalba. Moaña, Vigo, Viveiro, Carballo...
Sábado
- Pontevedra: Velorio do Ravachol. O Entroido aínda remata na Boa Vila uns días despois, con esta celebración que lembra o famoso papagaio finado en 1913
Podes repasar aquí as varias ducias temáticas que nos últimos anos lle dedicamos ao Entroido: aos lugares nos que esta festa é a máis importante e singual, aos personaxes e protagonistas das celebracións e mesmo aos doces máis típicos destas datas:
