A Asociación Galega de Apicultores está a rematar a campaña coa que prevía eliminar 30.000 raíñas. A destrución de niños primarios, o labor dos expertos, o aumento nos medios por parte das administracións e a maior concienciación social reducen a agresividade da praga de vespa asiática.
ALAS, Ultreia, Nós Mesmas e Arelas convocan concentracións este luns ás 21 horas na Coruña, Vigo, Compostela, Pontevedra e Lugo. Falamos con algunhas das entidades que en Galicia agrupan ao colectivo máis directamente afectado pola matanza.
A memoria anual da Conferencia Episcopal recolle que un 27% das declaracións de IRPF tramitadas en Galicia marcaron o 'x' a prol da Igrexa, unha porcentaxe só superior á de Catalunya, que non chega ao 20%.
O goberno local da Coruña pídelle a Exteriores que autorice o traslado dende Grecia de Mudafar e Ahmed xunto á súa familia. Padecen unha doenza conxénita que precisa ser tratada e pola que a súa vida corre perigo, segundo ratifican médicos do CHUAC.
ENTREVISTA Falamos con Arturo Reguera, autor de Castrelo de Miño, loita, represión, espolio, desastre ecolóxico, desastre humano (Fundación 10 de marzo), que presentou este xoves no Ateneo de Santiago
A xerencia da área sanitaria viguesa admite agora a mala calidade da alimentación que recibían os pacientes e atribúe ao seu plan de "mellora e escoita activa" a decisión de prescindir da concesionaria. Doentes e persoal queixáronse de alimentos mal cociñados e mesmo en mal estado.
A área achegada á fábrica de cementos é o punto do Estado con máis contaminación por dióxido de xofre, tamén con altos niveis en Arteixo, A Coruña, A Mariña, Pontevedra, Meirama ou As Pontes. Galicia segue a respirar aire sucio, segundo o informe de Ecologistas en Acción.
Educación anuncia a fin dun centro na parroquia de Queixas, en Cerceda, concello que visitou este mércores o presidente da Xunta. Pais e nais que protestaban contra a medida denuncian que non foron escoitadas as súas reivindicacións.
A muller foi operada dunha man sen o seu consentemento e "sen que existisen evidencias da súa indicación", o que obrigou a outras catro intervencións que derivaron na súa incapacidade absoluta. A Administración deberá pagarlle 60.000 euros pero a afectada recorrerá a sentenza.
Dende o ano 2012 o número de vítimas menores de 25 anos con medidas cautelares ou orde de afastamento pasou das 152 ás 190, cun crecemento do 15% só no último ano.