Movementos sociais

Baixo o lema “O galego, lingua vital” milleiros de persoas convocadas por Queremos Galego percorreron as rúas de Santiago este 17 de maio, para defender a lingua galega e loitar contra a emerxencia lingüística. “Señor Rueda: está a tempo de rectificar e deixar de ser o único presidente do mundo que renega do idioma do seu país”, indicou Marcos Maceira, voceiro da plataforma. "Mais insistimos: non imos esperar por vostede. Imos reverter a emerxencia lingüística con forza, unidade e o traballo conxunto dunha sociedade que quere o seu idioma porque é vital para a súa existencia e o seu desenvolvemento", engadiu.. 

Cidades e vilas de toda Galicia acollen na tarde deste 6 de maio protestas conxuntas da comunidade educativa contra o "abandono" e a "deterioración" da escola pública. Falamos con representantes das anpas e das Asembleas Abertas, que advirten da "situación crítica" de moitos centros polo "desleixo" da Xunta. 

Queremos Galego presentou este mércores a manifestación en defensa da lingua que percorrerá as rúas de Compostela o vindeiro 17 maio baixo o lema "O galego, lingua vital". A marcha quere ser "unha grande mobilización cidadá que enfronte a negativa da Xunta a garantir os dereitos lingüísticos da súa cidadanía coa forza, a unidade e o traballo conxunto dunha sociedade que defende o seu idioma porque sabe que é vital para a súa existencia"

"Só queremos reunirnos co xerente da área sanitaria e o director do hospital para falar das listas de espera reais e como abordar a súa diminución", explica a Plataforma en Defensa da Sanidade Pública da Barbanza. "Non nos vale que o señor director reciba media ducia de pacientes cada día para tratar de axilizar os seus casos mentres nos estamos aquí, levado pola presión da nosa presenza", advirten

Este venres presentouse en Compostela, nun emotivo acto, a web do proxecto Saúde, pracer, república e terra malva, que busca recoller o legado da actividade da psiquiatra, docente e activista feminista, finada hai ano e medio. A iniciativa está impulsada polas entidades Feitoría Verde, Libraría Lila, Atalaias, Arabías e Illa Bufarda, agrupadas baixo o nome colectivo de UTE-pías Feministas.

A plataforma lanza o documento de propostas para "reverter a emerxencia lingüística" para "actualizar" e "complementar" o Plan Xeral de Normalización de hai dúas décadas. "Este é o verdadeiro pacto pola lingua, hai sitio para todas as persoas, colectivos e institucións que queiran garantir o futuro do idioma", afirman

Macroplanta Biogás na Limia NON rexistrou este luns máis de 1.600 alegacións contra o proxecto nas oficinas da Subdelegación do Goberno e do concello de Xunqueira de Ambía

Unha vintena de vilas e cidades acolleron manifestacións contra a violencia machista. A violencia institucional ou a protección das mulleres migrantes, entre as principais reivindicacións

A Plataforma Polo Dereito á Vivenda explica en que cómpre fixarse para detectar que unha vivenda de uso turístico non cumpre coa normativa. Se o piso "non está" no rexistro turístico da Xunta, "xa sabes que é ilegal" pero, advirten, "se está non quere dicir que sexa legal", porque cómpre o rexistro estatal e en concellos como A Coruña ou Santiago, a licenza municipal

Unha nova edición da Limpeza Simultánea de Praias, coordinada por Adega, xuntou centos de persoas para limpar os areais e "denunciar a problemática ambiental do lixo mariño".

A xornada de paros laborais e mobilizacións sindicais contra o xenocidio e en solidariedade co pobo palestino culmina con medio cento de manifestacións impulsadas pola Coordinadora Galega de Solidariedade con Palestina

As folgas convocadas rexistran unha participación dispar segundo os sectores, aínda que cun impacto baixo fóra do ensino. En cambio, as concentracións nas cidades e vilas galegas tiveron unha asistencia importante de persoas de todas as idades, aínda que nesta mañá dominou a presenza da mocidade. Esta tarde, a partir das 20 horas, haberá mobilizacións en 40 cidades e vilas galegas.