200 organizacións de toda Europa remitiron unha carta á Presidenta do Parlamento Europeo, Roberta Metsola, e aos Grupos Políticos da cámara na que denuncian a "ocultación de información básica" sobre estes proxectos e solicitan que se lles permita exercer o seu dereito de acceder á información pública e ambiental.
A ameaza do valado aínda no se cumpriu, pero axiña será realidade. A Xunta avisa de que está a ultimar os trámites para comezar a obra. E investirá uns bos cartiños (que aínda non concreta) en pechar o recinto da antiga estación de autobuses de Vigo para “previr a ocupación do inmoble”. Quen son estes ocupas? Persoas sen ingresos que demandan algo de estabilidade para ter a súa oportunidade. “Nos albergues estás 10 ou 15 días e tes que volver á rúa. É moi cruel”.
O 31 de decembro, en oito meses, remata a moratoria temporal para as novas plantacións de eucalipto que entrou en vigor en xullo de 2021 e que no seu primeiro ano de implantación non detivo a expansión da especie. Dez organizacións, encabezadas por ADEGA e as Comunidades de Montes, piden unha prohibición permanente ata que se elabore una normativa específica para a ordenación das masas de eucalipto
SOS Sanidade Pública xunta outra volta en Santiago miles de persoas para sinalar o que considera "consecuencias directas da política de desmantelamento" do Sergas. Persoal dabondo de medicina de familia e pediatría nos centros de saúde ou un "plan de choque con máis recursos públicos" para paliar as listas de espera, entre as principais reivindicacións
A Coruña, Santiago, Ourense e Vigo secundan en Galicia a convocatoria polo dereito á vivenda que se estende por unha corentena de localidades en todo o Estado. Redución e control dos prezos dos alugueiros, recuperación de vivendas baleiras ou "freo á compra especulativa", entre as principais reivindicacións
SOS Sanidade Pública volve convocar unha manifestación en Santiago de Compostela para este domingo, 6 de abril, que sairá ás 12h da Alameda para rematar no Obradoiro. Reivindicarán na rúa os tres "piares básicos" do sistema sanitario público galego: a atención primaria, a atención hospitalaria e a sanidade pública
A primeira fase da campaña 'Xustiza para o Ulla' procura recadar 39.100 euros para recorrer a autorización ambiental integrada da factoría en canto estea aprobada e mais a "denegación da solicitude do arquivo do trámite da concesión de augas"
Entidades ecoloxistas e veciñais mobilízanse na viguesa Porta do Sol para "concienciar" sobre a "relevancia de recuperar" o acceso ao dominio público no litoral da illa. "Estamos ante un longo problema de incumprimento legal en relación a dominio público marítimo-terrestre ao que debe poñerse fin. É un espazo público pero que na práctica utilízase como reserva privada de forma ilegal", subliñan
Profesionais da comunicación e o márketing dixital lanzan a iniciativa que busca ser "punto de encontro" de apostas "polo presente e o futuro do rural galego". O web e as canles de WhatsApp de Ficar Aquí recollen oportunidades de ofertas de emprego, traspasos de negocio, remudas xeracionais en negocios e vías para colaborar entre profesionais
Grupos Vivos contra Altri por todo o país saíron hoxe ás rúas de máis dunha ducia de concellos para protestar contra o proxecto da macrocelulosa de Altri en Palas de Rei e a Declaración de Impacto Ambiental (DIA) positiva a este proxecto que a Xunta de Galicia emitiu no Diario Oficial de Galicia (DOG) o pasado venres 14 de marzo.
Profesionais da educación social mobilízanse en repulsa pola morte de Belén Cortés a mans de tres menores no centro tutelado onde estaban internados cando a traballadora se atopaba soa ao seu cargo. Denuncian que a falta de recursos e a externalización de servizos "impactan na calidade da atención e poñen en risco a integridade" de quen a realiza. Advirten, asemade, do "cúmulo de informacións erróneas" en torno ao caso que "estigmatizan nenas e nenos no sistema de protección"