A activista aceptou unha condena de 11 meses de cadea -que non terá que cumprir- e o pagamento dunha multa. Celebra a sentenza, que pon fin a un proceso de sete anos e cinco xuízos, acusada de falsidade documental tras denunciar unha trama de estafa a inmigrantes
A Coruña e Santiago ultiman os seus proxectos, que serán debatidos nos plenos municipais que se celebrarán a vindeira semana. Xosé Cuns (EAPN-Galicia) salienta a importancia destas prestacións e reclama "coordinación" coa RISGA e a simplificación da burocracia.
A plataforma xurdida en varias localidades do sur espállase xa por todo o país co obxectivo de "dar a batalla polas pensións públicas e defendelas ante os recortes e as políticas que as poñen en perigo". O colectivo celebra unha charla aberta ao público este mércores en Pontevedra.
Diversas asociacións denunciaran ante a Secretaría Xeral de Igualdade a promoción do evente por "resaltar os tópicos e estereotipos sociais sexistas". O organismo autonómico anunciou que a organización accedeu a prescindir desa imaxe.
A activista e sindicalista, que será xulgada este martes en Compostela, foi acusada en 2009 de falsidade documental no seu labor de axuda a persoas migrantes. No entanto, por tras do caso está o seu traballo para sacar á luz unha presunta rede de extorsión.
O ex director xeral investigado, García-Borregón, nega ante o xuíz que se elaborase un informe a posteriori para rebater outro previo que alertaba sobre os danos ambientais. Fontes xudiciais insisten nas "clarísimas" evidencias dunha documentación feita despois para xustificar as obras.
ENTREVISTA Falamos con Patricia Gabeiras, avogada do Comité Cidadán de Emerxencia para a Ría de Ferrol, que xa recorreu ante o Tribunal Supremo a decisión do Executivo en funcións. "A planta non cumpre coa normativa medioambiental, precisamente por iso a eximen", sinala
O persoal da inspección farmacéutica entrega bandeiras negras para instar a Xunta a sinalar correctamente a trintena de praias marítimas e fluviais que, segundo a Comisión Europea, non son aptas para o baño por estaren contaminadas. Mapa no interior.
Unha nova manifestación volve reclamar a marcha da pasteira do seu actual emprazamento con duras críticas á prórroga de 60 anos concedida polo Goberno de Mariano Rajoy en funcións.