Nin Feijóo nin a parella de Ayuso, pero si Illa e o bipartito: os 39 nomes impostos polo PP na investigación dos contratos da Xunta

Lista de comparecentes impostos polo PP na comisión de investigación dos contratos de emerxencia da Xunta CC-BY-SA Praza Pública

Hemeroteca

Os populares din abertamente que as comparecencias facilitarán "que se poidan sacar unhas conclusións claras e rotundas sobre o bo facer dos gobernos do Partido Popular na Xunta”.

O PP impuxo finalmente este venres o seu plan de traballo na comisión de investigación sobre os contratos de emerxencia da Xunta na pandemia e o sobrecusto do hospital de Vigo aberta a instancias do BNG. Coa súa maioría absoluta evita que teñan que comparecer nin o ex-presidente Alberto Núñez Feijóo, nin ningún dos seus familiares, nin a parella da presidenta da Comunidad de Madrid, Isabel Díaz Ayuso, citados por BNG e PSdeG. 

Pola contra, os populares aprobaron que comparezan o ex-ministro socialista de Sanidade Salvador Illa ou cargos do goberno de coalición que estivo na Xunta entre 2005 e 2009 como a daquela conselleira de Política Territorial, María José Caride, ou a de Sanidade, María José Rubio.

Ana Pontón na sesión do Parlamento na que o PP impuxo este venres o seu plan de traballo CC-BY-SA BNG

Desde a oposición, Ana Pontón coida que o veto a Feijóo "é unha confesión de culpabilidade e do seu medo á investigación", se ben considera que "nin con todo o autoritarismo, todos os vetos e toda a manipulación, van impedir que haxa luz sobre os seus 15 anos de chanchullos”.

Pola súa banda, o socialista José Ramón Gómez Besteiro resaltara, antes da votación que "quen poña obstáculos ou dificulte o traballo desta comisión queda claro que algo ten que ocultar".

Pola contra, os populares salientan abertamente que as comparecencias por eles decididas facilitarán "que se poidan sacar unhas conclusións claras e rotundas sobre o bo facer dos gobernos do Partido Popular na Xunta”.

Esta é a lista de 39 comparecentes finalmente aprobada:

  • Alfonso Rueda Valenzuela, presidente da Xunta
  • Salvador Illa Roca, ex-ministro de Sanidade.
  • Manuel Pillado Quintás, Secretario Xeral da Asesoría Xurídica da Xunta de Galicia.
  • María José Rubio Vidal, conselleira de Sanidade (2005 - 2009)
  • Pilar Farjas Abadía, conselleira de Sanidade (2009 - 2011)
  • Mª Rocío Mosquera Álvarez, conselleira de Sanidade (2012 - 2015) 
  • Jesús Váquez Almuíña, conselleiro de Sanidade (2015 - 2020)
  • Julio García Comesaña, conselleiro de Sanidade (2020 - 2023)
  • Antonio Gómez Camaño, conselleiro de Sanidade (2024 - actualidade)
  • Marta Fernández Currás, conselleira de Facenda (2009 - 2011)
  • Helena Muñoz Fonteriz, conselleira de Facenda (2011 - 2015) 
  • Miguel Corgos López-Prado, conselleiro de Facenda (2021 -actualidade) 
  • Maria Xosé Caride Estevez, consellería de Política Territorial, Obras Públicas e Transportes (2005 – 2009)
  • Juan Carlos Aladro Fernández, conselleiro maior do Consello de Contas de Galicia
  • Jose Antonio Redondo López, conselleiro maior do Consello de Contas de Galicia
  • José Ramón Gómez Fernández, subdirector xeral de asistencia sanitaria (2005 - 2009).
  • Jose Flores Arias, xerente da Área Sanitaria de Pontevedra e o Salnés (xerente do Sergas durante a pandemia).
Elena Espinosa e Patricia Iglesias, deputadas do PSdeG que participaron este venres na sesión na que o PP impuxo o seu plan de traballo CC-BY-SA PSdeG
  • Pablo Torres Arrojo, Director Xeral de Recursos Económicos do SERGAS (2009 - 2014)
  • Javier Puente Prieto, xerente da Área Sanitaria de Vigo
  • Alberto Baz López, ex-subdirector xeral de compras do Sergas.
  • Lara María Otero López, subdirectora xeral de compras do Servizo Galego de Saúde.
  • Cayetano Rodríguez Escudero, ex-secretario xeral do Servizo Galego de Saúde
  • Antolín Rodríguez Martínez, ex-secretario xeral do Servizo Galego de Saúde.
  • Félix Rubial Bernárdez, ex-xerente do Hospital Xeral e primeiro xerente do Hospital Álvaro Cunqueiro.
  • Alberto Fernández Villar, xefe do servizo de Pneumoloxía do Hospital Álvaro Cunqueiro.
  • Benito Regueiro García, xefe do Servizo de Microbioloxía do Complexo Hospitalario Universitario de Vigo
  • Alejandro Vila Alonso, Xefe persoal subalterno do Hospital Álvaro Cunqueiro.
  • Andrés Íñiguez Romo, Xefe Servizo Cardioloxía do Hospital Álvaro Cunqueiro
  • Elva Iglesias Lago, Supervisora General do Hospital Álvaro Cunqueiro
  • Almudena Chacón Pichel, interventora xeral
  • José Mª Barreiro Díaz. Director xeral de Simplificación Administrativa e do Patrimonio.
  • Francisco Menéndez Iglesias, presidente do Sociedade Pública de Investimentos de Galicia
  • Santiago Pérez, director do proxecto Novo hospital de Vigo UTE Acciona-Puentes
  • Enrique Nieto, xerente da sociedade concesionaria do Hospital de Vigo.
  • Actual Xerente da UTE Novo Hospital da Vigo.
  • Representante de Garrigues Abogados.
  • Manuel Aguilar López, Sogaserso.
  • Alberte Soto Soto, ex-secretario xeral da Consellería de Medio Rural (2005 - 2009)
  • Rubén Cela Díaz, ex-director xeral de Xuventude.

Grazas ás socias e socios editamos un xornal plural

As socias e socios de Praza.gal son esenciais para editarmos cada día un xornal plural. Dende moi pouco a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas.
Quero ser de Praza