Galicia non é unha mina

A construtora, que xa intentara un acordo con Edgewater en Corcoesto, negocia a compra de dereitos mineiros e a reapertura de explotacións de ouro, cobre ou wolframio.

A lei de medidas fiscais e administrativas implica que as empresas con autorizacións denegadas perdan os dereitos mineiros sobre os terreos. Colectivos contra a mina e AGE piden que a Xunta proceda axiña a incoar o expediente que confirme a caducidade do proxecto.

A xustiza dálle de novo a razón a un veciño ao que a empresa lle reclamaba unhas terras das que a cementeira non puido demostrar a titularidade. O ditame lexitima as reclamacións de centos de persoas que loitan contra os intentos da empresa de quitarlles os terreos.

A maioría absoluta dos populares bota atrás unha proposta de AGE para prohibir o uso deste perigoso elemento nas minas galegas, xusto un ano despois de que rexeitara outra proposta semellante do BNG que, como nesta ocasión, foi apoiada por toda a oposición.

A plataforma Contraminacción, que xunta vinte asociacións, solidarízase cos activistas "ameazados e multados" polas empresas mineiras e advirten á patronal "que nin esta nin ningunha outra tentativa" de amordazalos impedirán que sigan "denunciando as ilegalidades que cometen".

Os populares emendan e modifican a Lei de Minería para que a denegación da autorización de explotación implique que se cancelen tamén os dereitos mineiros, o que suporía "o desexable final para o cuestionado proxecto". AGE ve no cambio "unha nov vitoria da loita social".

O Alto Comisionado insiste nun informe que o visto e prace outorgado pola Xunta, e que segue vixente, é papel mollado e lembra que "se Edgewater pretende retomar o proxecto, a única posibilidade que ten é presentar unha nova solicitude".

PP e PSdeG rexeitaron tramitar a iniciativa de AGE que buscaba a modificación da normativa elaborada polo bipartito. Colectivos como Salvemos Cabana ven "lamentable" a "falta de criterio" dos dous grandes partidos e advirten do risco de teimar nunha lexislación nada garantista.

A empresa anuncia negociacións cunha empresa española que avalaría o proxecto e lle permitiría cumprir os requisitos para unha explotación mineira que foi denegada pola Xunta, á que presiona situándoa nas negociacións con ese investidor e da que espera o visto e prace.

Contraminacción, Salvemos Cabana e a Plataforma pola Defensa de Corcoesto e Bergantiños únense a Bang! Bang Ciyanide, grupo europeo que xunta vinte organizacións de dez países, que se presenta hoxe e que loitará pola prohibición do uso do cianuro na minería en Europa.

A Consellería de Economía confirma que a condición de proxecto clave industrial que lle dera o Executivo de Feijóo -e que lle facilitaba moito os trámites á empresa mineira- xa non é tal, pero insiste en que a DIA podería seguir vixente de presentarse outra iniciativa.

A cementeira enfróntase xa a dous recursos de resposición da licenza municipal, unha denuncia ante a Policía Autonómica e as numerosas críticas ás supostas irregularidades que comete nunha explotación que dana un río, o Camiño de Santiago e o xacemento da Cova de Eirós.