Contraminacción organiza este sábado a terceira edición dos 'Encontros sobre Impactos da Minaría', na que expertos e activistas de diferentes países debaten e comparten reflexións sobre os proxectos empresariais que ameazan terras, auga ou mesmo o patrimonio.
A Comisión de Peticións da Eurocámara fecha o caso malia a petición de mantelo aberto ante o risco de que se retome o proxecto megamineiro. A vicepresidenta do organismo, e representante popular, acusa a Ana Miranda de "non ser neutral" e Millán Mon ve na solicitude "intereses políticos".
Ana Miranda defenderá na Comisión de Peticións que se manteña activa a vixilancia da UE sobre o proxecto, malia a súa cancelación por parte da Xunta, ante as novas ameazas que diversos colectivos denuncian no PXOM de Cabana e a vixencia aínda de sete dereitos mineiros na zona.
O tribunal acepta un recurso dunha empresa galega contra a negativa da Xunta ao polémico proxecto mineiro. Fontes xudiciais non descartan que Edgewater empregue esta firma para continuar a súa liorta xudicial contra o Goberno.
A SGHN remite ao TSXG documentación sobre a tramitación ambiental que revela como a Administración "minimizou" danos e riscos que mesmo "desapareceron" respecto do informe inicial. A organización pide que se "rexeite" o recurso da empresa á cancelación do proxecto.
A SGHN enviará ao TSXG documentos sobre os "renglóns torcidos" que se produciron no visto e prace ambiental ao proxecto por parte do Goberno galego e Amigos da Terra pedirá á Fiscalía unha "exhaustiva investigación". A Administración medita se emprender accións legais contra a firma.
O presidente de Edgewater asegura nun correo incluído na demanda contra o Executivo galego que "amigos do presidente" lle pediron subornos e compara o trato do Goberno galego co que lle deron en Venezuela. Tamén alude a presións para contratar empresas ou colocar directivos.
A empresa norueguesa Erimsa ten tres concesións aprobadas dende o ano 2006 para extraer seixo en 5.700 hectáreas nos concellos de Castro de Rei, Cospeito, A Pastoriza, Abadín, Vilalba e Riotorto. Porén, en 2013 a xustiza paralizou os proxectos de explotación.
Salvemos Cabana subliña que Edgewater está a esixir compensacións a través de Corcoesto S.A., unha compañía creada a través dun bufete panameño especializado en sociedades offshore cinco meses despois de que a Xunta frease a mina.
A ameaza megamineira da nova solicitude de exploración na Costa da Morte é só unha das moitas peticións para explorar o terreo. A maioría delas precisarían cianuro para acceder ao mineral e Salvemos Cabana advirte do "risco" que suporía unha planta de lixiviación no país.
No municipio máis afectado polo permiso de exploración presentáronse máis de 300 alegacións e case 1.200 sinaturas contra a iniciativa. Outras localidades e colectivos alegan tamén contra 'Isabela II' e advirten do risco dunha "actividade industrial moi agresiva nunha zona agrícola e gandeira"
O alto tribunal rexeita o recurso do Estado contra a modificación legal que introducía a caducidade dos dereitos mineiros no caso de que un proxecto -como o da Costa da Morte- non fose aprobado. O ditame tomba as últimas aspiracións de Edgewater.