O BNG, xunto outros partidos do grupo mixto e Izquierda Plural, rexistran no Congreso unha iniciativa para que o Goberno permita procesalos ou extraditalos. Carlos Slepoy, avogado da demanda en Arxentina, lembra que o Estado incumpre resolucións da ONU e critica a actitude do PP.
O goberno local acorda coa CRMH elaborar un calendario nos vindeiros cen días para levar a cabo o cambio de denominación das rúas, homenaxe ás vítimas do franquismo e a participación da cidadanía á hora de decidir os novos nomes.
Estar a prol da educación da coeducación de nenos e nenas ou non reprimir os "impulsos primarios" do alumnado foron algunhas das acusacións coas que os franquistas afastaron a mestra María Barbeiro do seu posto na escola pública. Ana Romero vén de publicar a biografía desta pioneira da renovación pedagóxica.
Os restos de Perfecto de Dios repousan xa xunto á súa nai logo de que o seu irmán, coa axuda da ARMH, os rescatase da fosa na que estaban soterrados en Ávila tras ser abatido pola Garda Civil en 1950. As achegas dun sindicato noruegués fixeron posible a exhumación.
Profesores británicos gravaron en Galicia a primeira parte do documental sobre a represión franquista e as dificultades das asociacións pola memoria histórica para recuperar os corpos dos asasinados e reparar as familias ante a falta de axuda da Administración. "Quedan moi sorprendidos".
O avogado Eduardo Ranz presenta demandas por desobediencia contra os rexedores da Coruña, Betanzos, Coirós, Verín, Celanova, Vigo e Lugo e acusa o arcebispo de Santiago e os bispos de Ourense e Tui-Vigo dun delito "contra a independencia do Estado".
ENTREVISTA Julio Prada, profesor da Universidade de Vigo, coordinou No sólo represión. La construcción del franquismo en Galicia, un libro colectivo que afonda nos distintos mecanismos empregados pola ditadura para impoñer o seu dominio.
Expertos das Nacións Unidas lémbranlle ao Goberno central que debe extraditar os mandos da ditadura reclamados pola xustiza arxentina mentres non se garanta o acceso á xustiza española das vítimas do réxime fascista.
A Comisión da Coruña aproveitará a visita de Felipe VI á cidade para entregarlle unha misiva na que lle reclaman "perdón" polo silencio da monarquía respecto á ditadura e na que lle piden acabar co enxalzamento dos golpistas e que facilite a investigación dos crimes do fascismo.
Todas as formacións de esquerdas da cidade adhírense á proposta da CRMH, que pide retirar calquera símbolo da ditadura "nun prazo de tres meses" e cumprir así co acordo plenario. Os alcaldes de Vigo, Lugo e Verín, denunciados por incumprir a Lei da Memoria Histórica.
Francisco Martínez Leira, Pancho, foi asasinado pola Garda Civil en Pontedeume o 31 de decembro de 1954. No 60 cabodano da súa morte un ciclo de actos homenaxean unha das persoas que durante máis tempo mantivo activa a acción da guerrilla en Galicia.
A Comisión pola Recuperación da Memoria Histórica entrega ao alcalde unhah proposta de moción para acabar coas denominacións franquistas das rúas da cidade e retirar o recoñecemento a Manuel Fraga.