Malia as promesas do PPdeG e de Feijóo, a lexislación seguirá permitindo vender leite por baixo dos custos de produción. Roberto García, secretario xeral de UUAA, amosa a súa "decepción" coa Xunta e lamenta o "escaso peso" que Feijóo ten en Madrid.
O Senado dá visto e prace á nova normativa co voto favorable dos senadores galegos, malia que Feijóo prometera impedir que se deixase vender por baixo dos custos de produción. "O PP traizoa o sector lácteo", denuncia o SLG.
Os populares asumen o ditame de Competencia e obvian o compromiso asumido pola Xunta co sector en Galicia para fixar un prezo mínimo para o leite que evitase o abuso da industria e da distribución.
"Se o presidente cala diante do ataque da CNC e se o PP non tenta modificar o texto da lei, estará desperdiciando a oportunidade histórica de solucionar un dos principais problemas dos labregos do país", di o sindicato.
Os sindicatos lácteos piden ao presidente da Xunta que desautorice o "informe político" que rexeita impedir prezos por baixo dos custos de produción e advirten de que só é un intento de ocultar o "desplante" que Galicia sofre por parte do Goberno central.
O informe solicitado polo Goberno central ataca a lei da cadea alimentaria, que pretende impedir que os gandeiros vendan por baixo dos prezos de custo. O ditame, non vinculante, dificulta que se cumpra coa reivindicación dos sindicatos e da propia Xunta. Consulte o texto no interior.