Adolfo Muíños, alcalde de Rianxo, vén de anunciar a saída do seu Concello da planta de Cerceda para integrarse no modelo de compostaxe de Serra do Barbanza. Recoñece que a decisión xa estaba meditada, pero que a suba do canon foi "o empurrón definitivo".
A presión dos alcaldes facilita que o impacto da suba sobre as contas municipais se reduza á metade, pero a taxa volverá ser revisada, e seguramente incrementada, en 2015.
Luís Lamas carga contra os alcaldes críticos en público, pero incrementa a dureza das verbas contra a oposición nas redes sociais, onde acusa a Besteiro de "colocar ben os seus amigos" e "traballar o xusto" ou a Santín e Orozco de ser unha "congregación de bernardos".
Todos os municipios non gobernados polo PP acordan pedir a dimisión do presidente da sociedade e solicitar unha xuntanza urxente con Feijóo. De non haber reunión, pecharanse na Xunta e deixarán de pagar a factura do lixo.
Os concellos que impulsaron a fronte común contra a reforma local pulan agora pola unión contra o incremento dun 34% da factura do lixo acordada pola Xunta, coa que piden negociar para buscar alternativas. De non haber acordo, deixarán de pagarlle á planta de Cerceda.
Os habitantes dos concellos adheridos a Sogama pagarán un 34% máis na factura do lixo. Pero hai alternativas: dende as plantas de Nostián e Lousame, cunha meirande aposta pola reciclaxe e a compostaxe, e outras fórmulas, coma as plantas locais de tratamento ou a recollida porta a porta.
A suba afectará aos 2,3 millóns de cidadáns que viven en localidades que envían os seus residuos á planta de Cerceda, que deixa de ingresar 13 millóns de euros anuais tras a reforma enerxética do Goberno. A Xunta lava as mans e deixa en mans dos concellos a aplicación deste incremento.
Xosé Veiras analiza no blog Un claro no Bosque as alternativas que dende o ámbito local se poden poñer en marcha para non ter que queimar e acumular o lixo
ADEGA, Amigos da Terra, Federación Ecoloxista Galega e Plataforma Galega contra a Incineración presentarán unha denuncia na Comisión de Peticións do Parlamento Europeo que salienta que Galicia non só incumpre a normativa europea senón que o Plan de Residuos de 2011 prevé que se manteña o incumprimento da lei.
Os votos dos conservadores impiden que sexa tomada en consideración a iniciativa que pedía desbotar a queima de lixo e substituíla pola reciclaxe, redución e reutilización de residuos
Iñaki Errazkin, conselleiro de Medioambiente da Deputación de Guipúscoa, explicou en Compostela o modelo de xestión de residuos porta a porta que Bildu puxo en marcha, e que substitúe un polémico proxecto de incineradora, que foi paralizado.
PSdeG-PSOE, AGE e BNG amosaron a súa postura favorable a apoiar a ILP. Agora todo depende do grupo do PP, que até o de agora non respondeu ás peticións de entrevista.