Milleiros de persoas maniféstanse en cidades e vilas este 8M Día Internacional da Muller en demanda de mellores condicións de vida e laborais
Galicia acolle este domingo 8 de marzo manifestacións e concentracións polo Día Internacional da Muller, data que reivindica unha igualdade á que só se pode chegar con máis feminismo a diario, como lembra o movemento en cidades e vilas de todo o país. Un feminismo que, como contamos en Praza.gal, segue a actuar alén do 8M lembrando que "o importante é o que fagas o resto do ano".
Manifestacións do 8M de 2026
-
Manifestación do 8M en Compostela ao mediodía nunha imaxe da CIG -
Representantes do PSdeG na manifestación de Vigo do mediodía -
A manifestación de Santiago do mediodía contou coa presenza de representantes do BNG, neste caso nunha imaxe da deputada Noa Presas -
Manifestación do 8M en Vilagarcía de Arousa -
Concentración do 8M en Ribeira -
Unha imaxe da manifestación do 8M en Vigo ao mediodía -
Unha imaxe da manifestación do 8M en Santiago ao mediodía -
Mobilización polo 8M do Sindicato Labrego Galego en Pontevedra -
Manifestación do 8M en Vigo este domingo 8 de marzo de 2026 -
Manifestación 8M 2026 na Coruña -
Pancarta na mobilización do 8M 2026 na Coruña -
Cabeceira da manifestación do 8M 2026 en Ourense
Este ano o lema da Marcha Mundial das Mulleres foi 'Feminismo é Revolución: terra viva, pobos libres e vidas dignas!', subliñando que "non hai emancipación das mulleres sen transformación do sistema político, económico e social que organiza o mundo". "Levamos décadas sinalando que a pobreza, a violencia e a desigualdade son parte fundamental do capitalismo, do imperialismo e do patriarcado", salienta a Marcha na súa declaración.
"Non hai emancipación das mulleres sen transformación do sistema político, económico e social", salienta a Marcha Mundial das Mulleres
Nesa liña en Praza.gal analizamos como o feminino representa a metade do emprego en Galicia pero é moito máis precario e parcial. Ademais, as mulleres son maioría en Galicia no réxime especial de autónomos do agro e supoñen o 40% no especial do mar por conta propia. E seis de cada dez persoas paradas son mulleres.
E botando a vista atrás, en Praza.gal tamén lembramos a memoria silenciada das mulleres que tamén sufriron o devalo industrial da ría de Ferrol, co proxecto Mulleres da reconversión.
[Información en actualización]
