O colectivo denuncia que a falta dun informe da Consellería de Facenda mantén bloqueada unha convocatoria que, din, xa acumulaba meses de atraso pola falta de planificación do anterior equipo reitoral. Denuncian, ademais, que a Consellería de Educación "pretende manter a discriminación do persoal temporal" no novo decreto dos complementos retributivos autonómicos.
Arena Nós busca avaliar o nivel de representación da cultura galega nos grandes modelos de linguaxe, así como comparar a súa capacidade de producir texto e voz na nosa lingua. A pioneira ferramenta foi presentada nun acto organizado por Google no Parlamento europeo con motivo do Día Europeo das Linguas.
O verán deixa récords de máximos en todas as boias de medición que ten Portos do Estado en Galicia, con 23,13º de temperatura na superficie do mar na baliza de Estaca de Bares. "Normalmente toda a costa atlántica de Galicia e Portugal está protexida nas zonas de afloramento, que actúan como unha sorte de refuxio térmico. Pero, ata cando poderán aguantar?", cuestiona o investigador da UVigo Ramón Gómez Gesteira.
A empresa coruñesa celebra o seu 25 aniversario con case 200 traballadores e mantendo os seus principios fundacionais: promoción do software libre, estrutura non xerárquica e reivindicación de que se pode facer alta tecnoloxía dende Galicia. Falamos con Alberto García, un dos seus fundadores.
O Instituto das Mulleres vén de publicar a guía EDUGENIA para concienciar nas aulas dos nesgos que provocan estas ferramentas cada vez máis empregadas no ensino. "O uso non controlado da IA pode carrexar consecuencias nefastas. Por iso, é imprescindible que estudantes e profesores teñan un coñecemento crítico e informado", destaca unha das coordinadoras da publicación.
O festival de Vilaxoán, que terá lugar entre o 10 e o 13 de setembro, incorpora este ano un espazo de divulgación científica promovido polo Instituto Galego de Física de Altas Enerxías (IGFAE) no marco do CERN Festival Programme, con eventos en todo o planeta e que só terá esta parada na Península Ibérica. Charlas de persoal investigacos, experimentos e obradoiros compoñen a programación da cita.
O Concello de Melide e a asociación MeLiSA asinan un convenio para achegar os dispositivos. Os Servizos Sociais identificarán as familias destinatarias atendendo á súa situación socioeconómica e ás necesidades existentes e MeLiSA proporcionará os ordenadores con software libre instalado e ofrecerá formación, acompañamento, mantemento e soporte técnico
Case o 90% das xornadas foron cálidas e practicamente o 30% dunha calor extrema, segundo a análise interactiva do investigador climático do CSIC Dominic Royé, que sinala tamén a anomalía nas temperaturas respecto das habituais, por riba do habitual diariamente nos últimos tres meses.
Mateo Mena reivindica a escoita como forma válida para o coñecemento científico. Leva varios anos centrado nos universos sonoros do que sucede a milleiros de quilómetros de nós, nesa 'radio natural' que emite desde hai séculos nun espectro inaudible para o ser humano pero que se pode transformar en ondas acústicas para que poidamos apreciar o que sucede no Universo lonxe do noso control
