O vindeiro xoves 12 de febreiro a comunidade universitaria poderá elixir entre catro catedráticas para ocupar o posto de reitora: Rosa Crujeiras, Maite Flores, María José López Couso e Alba Nogueira. Será a primeira vez nos máis de 500 anos de historia da USC que unha muller se poña á fronte da institución. O estudantado poderá votar de forma telemática.
A empresa de Palas de Rei, que produce fariñas e graxas a partir de larvas de mosca soldado negra, lidera un proxecto da UE cun orzamento de máis de 3,6 millóns de euros para acadar un sistema intelixente que optimice a cría do insecto. Hai tres anos a compañía puxo en marcha a súa fábrica na Ulloa cun investimento de 22 millóns de euros, que hai uns meses incrementou en 100 millóns máis.
A USC conta con 34 compañías activas que xeran uns 150 empregos de alto valor e unha facturación anual duns 10 millóns de euros. Nas tres universidades galegas, o número de spin-offs activas ascende a 48, especializadas en ámbitos como Biotecnoloxía (26,9%), TIC (25%), Enerxía e Recursos (15,4%)
Un corredor verde entre os extremos norte e sur da avenida Otero Pedrayo da cidade prevé reducir en 3ºC a temperatura superficial na zona e servir de acubillo para as persoas vulnerables. A Xunta inviste 340.000 euros no proxecto.
O magnate quere aproveitar a infraestrutura dixital europea para operar de forma máis económica e eficiente nun mercado tan potente como a UE
O 7,8% dos fogares galegos non teñen acceso a unha conexión de cando menos 30 Mbps, unha porcentaxe que se amplía para as conexións de 100 Mbps (10,9%) e 1 Gbps (16,5%). As zonas urbanas contan cunha cobertura moito mellor; en 65 concellos -nos que viven dous terzos da poboación galefa- a porcentaxe de fogares con baixa conexión non chega ao 10%. Pola contra, en 74 concellos máis da metade non teñen unha cobertura mínima de 100 Mbps.
O proxecto 'A cunca do río Eume: unha paisaxe enerxética', distinguido polo prestixioso MIT, investiga como avanzar nunha transición enerxética ecolóxica e socialmente xusta no Concello das Pontes e na cunca do Eume
Fillos de Galicia deixa oficialmente de existir, aínda que levaba varios anos case inactiva. Naceu no ano 1997 como unha pioneira comunidade virtual que buscaba ser "un lugar de encontro en Internet para os fillos e netos dos galegos emigrados". Durante anos desenvolveu unha intensa actividade servindo de ponte virtual coa diáspora, con preto de sete mil usuarios rexistrados en 70 países, e lanzou numerosas iniciativas na web.
A porcentaxe de aulas impartidas en galego pasa do 25,4% ao 29,2% no último curso, pode que como consecuencia dos incentivos directos que desde este ano se estableceron para a docencia nesta lingua. O galego é xa maioritario en 11 facultades. Unha das excepcións segue a ser a de Medicina, na que a porcentaxe de uso é só do 3%.
