Os Goya recoñeceron a Sirât nas categorías de Arte, Fotografía, Produción, Son, Montaxe e Música. Alberto Vázquez, pola súa banda, gañou o Goya á Mellor Filme de Animación con Decorado

O filme Sirât, do galego Oliver Laxe, acadou seis dos once premios da Academia de Cinema aos que optaba e converteusa na película con máis trofeos da noite. Os Goya recoñeceron a Sirât nas categorías de Arte, Fotografía, Produción, Son, Montaxe e Música. Alberto Vázquez, pola súa banda, gañou o Goya ao Mellor Filme de Animación con Decorado.

Para a Academia do Cine Os Domingos, o drama dirixido por Alauda Ruiz de Azúa sobre o conflito familiar provocado polo anuncio dunha menor de converterse en monxa de clausura, foi “a película triunfadora” nesta 40 edición dos Goya celebrada en Barcelona, ao lograr cinco das trece candidaturas, entre eles mellor película, dirección e guion orixinal.

Sirât, seleccionada pola Academia para representar a España nos Óscar, e que competirá nas categorías de Mellor Película Internacional e Mellor Son, levou seis dos 11 premios aos que optaba: Música Orixinal (Kangding Ray), Dirección de Produción (Oriol Maymó), Fotografía (Mauro Herce), Montaxe (Cristóbal Fernández), Dirección de Arte (Laia Ateca Font) e Son (Amanda Villavieja, Laia Casanovas e Yasmina Praderas).

Decorado, do coruñés Alberto Vázquez fíxose co outro gran recoñecemento para o talento galego na noite do cinema español, ao facerse co Goya ao Mellor filme de animación, o quinte cabezón da súa carreira. “Sempre dicimos que a animación non é un xénero, é un medio para contar todo tipo de historias”, subliñaba o cineasta ao recoller o premio. A produtora Chelo Loureiro, quixo deixar unha mensaxe clara antes de baixar dos escenario: “Máis amor, menos redes sociais”, dixo.

Nunha gala presentada polo galego Luís Tosar e a catalá Rigoberta Bandini, escoitouse no escenario a lingua galega, o éuscaro e mais o catalán, xunto co castelán -e o inglés de Susan Sarandon, Goya Internacion- nunha gala con recorrentes apelacións ao desorde mundial, especialmente polo caso do xenocidio en Palestina. Especialmente reveladoras foron as palabras da directora arxentina Dolores Fonzi, galardonada pola película Belén: "Non caian na trampa. A ultradereita veu destruílo todo. Veño do futuro”, indicou. 

Eva Libertad obtivo o Goya a Mellor Dirección Novel por Xorda, uníndose así á lista de realizadoras recoñecidas nesta categoría no últimos seis anos tras Clara Roquet, Carla Simón, Arantxa Echevarría, Belén Funes e Pilar Palomero, un espectacular serie só interrompida o ano pasado por Javier Macipe, segundo destacan desde a Academia. A película, que aspiraba a sete nomeamentos, logrou tres, con Álvaro Cervantes como Mellor Actor de Reparto e Miriam Garlo como Mellor Actriz Revelación.

Palmarés

GOYA DE HONRA

Gonzalo Suárez

MELLOR ACTOR DE REPARTO

Álvaro Cervantes, por Xorda

MELLOR CANCIÓN ORIXINAL

«Flores para Antonio», de Alba Flores E Sílvia Pérez Cruz por Flores para Antonio

MELLOR DESEÑO DE VESTIARIO

Helena Sanchis, por A Cea

MEJORES EFECTOS ESPECIAIS

Paula Gallifa e Ana Rubio, por Os tigres

MEJOR MAQUILLAXE E PERRUQUERÍA

Ana López-Puigcerver, Belén López-Puigcerver e Nacho Díaz, por O cativo

MELLOR ACTOR REVELACIÓN

Antonio ‘Toni’ Fernández Gabarre, por Cidade sen sono

MELLOR MONTAXE

Cristóbal Fernández, por Sirat

MELLOR DIRECCIÓN DE FOTOGRAFÍA

Mauro Herce, por Sirat 

MELLOR SON

Amanda Villavieja, Laia Casanovas e Yasmina Praderas, por Sirat

MELLOR DIRECCIÓN DE ARTE

Laia Ateca Font, por Sirat

MELLOR DIRECCIÓN DE PRODUCIÓN

Oriol Maymó, por Sirat

MELLOR MÚSICA ORIXINAL

Kangding Ray, por Sirat

MELLOR PELÍCULA DE ANIMACIÓN

Decorado, dirixida por  Alberto Vázquez

MEJOR PELÍCULA DOCUMENTAL

Tardes de soidade, de Albert Serra

MELLOR CURTAMETRAXE DE FICIÓN

Ángulo morto, de Cristian Beteta

MELLOR CURTAMETRAXE DOCUMENTAL

O Santo, de Carlo D’Ursi

MELLOR CURTAMETRAXE DE ANIMACIÓN

Gilbert, de Alex Salu, Arturo Lacal e Jordi Jiménez

MELLOR DIRECCIÓN NOVEL

Eva Libertad, por Xorda

GOYA INTERNACIONAL

Susan Sarandon

MELLOR ACTRIZ REVELACIÓN

Miriam Garlo, por Xorda

MELLOR PELÍCULA IBEROAMERICANA

Belén (Arxentina), de Dolores Fonzi

MELLOR PELÍCULA EUROPEA

Valor sentimental (Noruega), de Joachim Trier

MELLOR ACTRIZ DE REPARTO

Nagore Aranburu, por Os domingos

MELLOR GUIÓN ADAPTADO

Joaquín Oristrell, Manuel Gómez Pereira e Yolanda García Serrano, por A cea

MELLOR GUIÓN ORIXINAL

Alauda Ruiz de Azúa, por Os domingos

MELLOR ACTOR PROTAGONISTA

José Ramon Soroiz, por Maspalomas

MELLOR ACTRIZ PROTAGONISTA

Patricia López Arnaiz, por Os domingos 

MELLOR DIRECCIÓN

Alauda Ruiz de Azúa, por Os domingos 

MELLOR PELÍCULA

Os domingos