A dirección da entidade resultante das antigas caixas cre que participar en partidos, institucións públicas, organizacións sociais ou sindicatos "pode ser incompatible co exercicio activo no banco" e que certas condutas "incívicas" poden ser denunciadas legalmente.
O informe d'A Mesa que avalía a eficacia das medidas consensuadas no Parlamento hai agora dez anos confirman o masivo incumprimento das propostas dun Plan que quedou en papel mollado nas inmensa maioría das súas reivindicacións e obxectivos.
Máis de 14.300 persoas deixaron de constar como demandantes de emprego porque non renovaron a 'tarxeta do paro', non por atopar traballo. Máis do 90% dos contratos do mes foron temporais.
Tan só Estremadura e Canarias teñen un custo salarial menor có do país pero nas dúas comunidades trabállanse menos horas. O soldo medio na comunidade é máis de 250 euros inferior á media e de case 540 menos que en Madrid.
A Organización de Consumidores e Usuarios (OCU) realizou unha enquisa de satisfacción a 13 mil clientes de empresas de telefonía que deixa nos últimos lugares a Orange, Vodafone, Jazztel ou Movistar.
A iniciativa, xurdida en xaneiro a partir do premio da lotaría que deixou 120 millóns de euros na localidade, recadou 6.800 euros entre as persoas agraciadas, insuficientes para crear a fundación proxectada.
Hai dez anos o Goberno de Fraga lanzou a idea de construír un bloque de pisos de aluguer para a mocidade na entrada do Casco Vello compostelán. O bipartito impulsou o proxecto e o gabinete de Feijóo manteno paralizado por consideralo moi caro, aínda que mudou os logotipos dos valados da obra nada máis chegar ao poder. Mentres, o orzamento para a construción de pisos protexidos descendeu un 80% e o prezo da vivenda sobe por primeira vez en cinco anos.
Galicia é a autonomía na que máis descenderon as inscricións nas oficinas de emprego durante o mes de agosto, se ben nos contratos asinados preponderan a temporalidade e o sector servizos. A Xunta enmarca as cifras na recuperación económica e os sindicatos alertan da precariedade laboral.
A poboación activa galega vén reducíndose sistematicamente dende hai dous anos e, entre o primeiro e o segundo trimestre de 2014, unhas 4.000 persoas que deixaron de figurar como desempregadas non se sumaron ao rexistro de ocupación. Entre a poboación menor de 25 anos as cifras de ocupación e paro son practicamente idénticas.
A poboación galega paga polos combustibles un dos importe máis caros do Estado. O país rematou xullo por riba de Francia ou Austria no prezo do gasóleo e supera a media do Estado en todos os indicadores. A Xunta aposta por incrementar os operadores no mercado para baixar os prezos e colectivos como Véspera de nada reclaman reducir a dependencia dos combustibles fósiles.