O goberno da Marea afronta "preocupado" o desequilibro económico que deixa Negreira, que recadou en seis meses menos do 22% por impostos de construcións e obras e só un 3,8% en licenzas urbanísticas. Tamén hai 3,6 millóns en facturas irregulares non incluídas no orzamento inicial.
ENTREVISTA Xosé Luís Rivas, Mini, é dende o pasado sábado alcalde de Boimorto polo BNG. Tras décadas cantándolle ao país e ás loitas sociais dende A Quenlla márcase o reto de loitar contra o despoboamento do rural e non perde esperanza: "Cando un canta e fai poesía canta soños, nunca derrotas".
Os crecentes niveis de desigualdade e exclusión e o acceso a unha vivenda digna eran dous asuntos clave nos programas electorais das forzas que gobernarán A Coruña, Compostela, Ferrol, Lugo ou Pontevedra.
O novo goberno da capital galega presenta a súa estrutura. Martiño Noriega exercerá como voceiro da Xunta de Goberno, Igualdade lígase a Desenvolvemento Económico e a Policía Local dependerá de Medio Ambiente e Convivencia.
Os novos alcaldes da Coruña, Santiago e Ferrol participan este mércores nun diálogo aberto organizado por Praza.gal e Eldiario.es
Acordos entre formacións progresistas apartaron dos gobernos municipais ao PP na maior parte dos concellos nos que isto era posible, pero non foi así en Foz, Mugardos, Ramirás, Redondela ou Punxín. Pactos de última hora evitaron situacións semellantes en Muros, Oia, Ourol, O Porriño, Viana do Bolo ou Sarria.
Na pasada lexislatura comezaron 24, pero 31 acabaron ocupando o posto. O incremento eleva a porcentaxe de rexedoras ao 12,1%, pero aínda moi por debaixo da media española.
Os dous rexedores recuncan no goberno das súas cidades con maiorías claras (absoluta no caso de Caballero e simple no de Lores). Son os únicos alcaldes das sete cidades que repiten no cargo.
A socialista acada os apoios de Lugonovo e BNG, e substitúe no cargo a José López Orozco, rexedor nos últimos 16 anos. En Ourense non houbo sorpresas e Jesús Vázquez (PP) foi investido alcalde, ao votar DO e PSdeG-PSOE os seus propios candidatos.
Compostela Aberta asume o goberno de Santiago cos votos a favor do BNG e abstención do PSdeG. O novo rexedor da capital pide "apostar polo común denominador, coas mans tendidas dende o diálogo e a diferenza"
O cabeza de lista de Ferrol en Común converteuse en alcalde co apoio do PSdeG-PSOE e o BNG. "Recibo este bastón de mando para entregarllo de novo á cidadanía", destaca, e pide "unidade" para o "rexurdir" da cidade.
Abel Caballero (Vigo), Xulio Ferreiro (A Coruña), Jesús Vázquez (Ourense), Martiño Noriega (Compostela), Lara Méndez (Lugo), Miguel Anxo Fernández Lores (Pontevedra) e Jorge Suárez (Ferrol) foron investidos nas sete cidades, nunha mañá na que se resolveron as dúbidas existentes en Sarria e O Porriño, entre outras localidades. As mareas chegan ao poder na Coruña, Compostela e Ferrol.