A rede eléctrica segue inzada de incidencias en Galicia por mor do temporal. A última hora da tarde do venres seguían sen luz uns 56.200 clientes de Fenosa, segundo a compañía.
Fálase
-
O goberno de San Sadurniño (BNG) pide á FEMP que "deixe sen efecto o recoñecemento póstumo" a Rita Bárberá. "Non é exemplo de municipalismo e de decencia", di o alcalde, Secundino Fernández.
Rescatada toda a tripulación do pesqueiro galego afundido fronte ás costas asturianas, segundo avanza o xornal El Comercio
Afunde un pesqueiro con base en Cariño fronte á costa asturiana de Luarca. O Gure Uxua, construído en 1998, leva 12 persoas a bordo, a cuxo rescate acudiu o helicóptero da Xunta Pesca 2.
O Básquet Coruña xogará hoxe no Fontes do Sar de Santiago o seu partido ante o F.C. Barcelona tras o peche do pavillón de Riazor por mor do temporal. O encontro disputarase ás 21:00 con entrada de balde.
A Xustiza desestima a demanda interposta pola patronal de autobuses, Confebús, contra BlaBlaCar por presunta "competencia desleal". A sentenza conclúe que a app colaborativa simplemente pon en contacto a persoas, e sinala que non é un servizo de transporte e que polo tanto non debe estar rexida por esta regulamentación. O ditame permite que a compañía continúe operando en España de forma completamente legal.
Anticorrupción pide reabrir o caso da caixa B do PP polas revelacións do presunto líder da trama Gürtel
Os responsables de dúas discotecas da Coruña serán xulgados por impedir a entrada a persoas negras. Cóntao La Opinión. Nos últimos anos varias persoas e entidades denunciaran discriminación racial nestes locais.
Rachan as negociacións entre Marea Atlántica e PSOE para a aprobación dos orzamentos municipais. Este sábado ás 12.30 debaterase no pleno unha cuestión de confianza ligada ás contas para 2017. Toda a información, hoxe en Praza.
Un investigador da USC procura financiamento para un proxecto de rexeneración tras unha lesión medular. Vén de lanzar unha campaña de crowdfunding no portal Precipita da FECYT buscando acadar 10.000 euros para atopar un fármaco que permita a rexeneración axonal