Rachan as negociacións entre Marea Atlántica e PSOE para a aprobación dos orzamentos municipais. Este sábado ás 12.30 debaterase no pleno unha cuestión de confianza ligada ás contas para 2017. Toda a información, hoxe en Praza.
Fálase
-
Un investigador da USC procura financiamento para un proxecto de rexeneración tras unha lesión medular. Vén de lanzar unha campaña de crowdfunding no portal Precipita da FECYT buscando acadar 10.000 euros para atopar un fármaco que permita a rexeneración axonal
O DOG publica este venres o primeiro convenio colectivo do sector das orquestras, acordado o pasado novembro e considerado "histórico" polos representantes do persoal.
O alcalde do Porto prevé aplicar unha taxa turística de dous euros por estancia no vindeiro mandato. Rui Moreira resalta que o obxectivo é que "turismo não assuma as mesmas proporções que teve em Barcelona e na Mouraria, em Lisboa", e lembra que na capital portuguesa a taxa rendeu 11,2 millóns de euros en dez meses, como informa o diario Público.
A Xunta suspende as actividades dos centros educativos ao aire libre a partir das 15:00, pero mantén as clases con normalidade. Así o detalla a Consellería de Educación.
O temporal deixa unha noite inzada de incidencias en Galicia. Entre as principais, avarías na rede ferroviaria que impediron circular o Alvia Santiago-Madrid e suspensións de trens no eixo atlántico pola caída dunha árbore nas vías en Ordes, así como estragos nas cubertas do estadio de Riazor, na Coruña. Case todo o litoral está hoxe en alerta vermella e en terra o aviso é laranxa. En 4gotas.com explican os detalles deste temporal.
Abanca repartirá 315,4 millóns como dividendo. O pagamento deriva dos beneficios obtidos pola entidade durante o 2016
O Congreso inicia a tramitación da iniciativa popular a prol dunha renda mínima cos votos en contra de PP e Ciudadanos
O 112 rexistrou dende a medianoite e ata a unha da tarde 266 incidencias polo temporal, coa Coruña, Pontevedra, Vilalba e Ribadavia como concellos máis afectados. As incidencias "máis destacadas" foron caídas de árbores e pólas, valos publicitarios, cables de luz e pedras, sí como anegamentos en rúas, garaxes e vivendas, informa nun comunicado. A maior parte do litoral está hoxe en alerta vermella, tal e como detalla Meteogalicia.
O paro rexistrado sobe en 6.164 persoas en Galicia durante o mes de xaneiro, un 3% respecto a decembro, e baixa un 10,31% con relación a hai un ano (-24.369 inscricións). Máis información, esta mañá en Praza.